ترکی کے ہاتھ ایک اور خزانہ لگ گیا

ترکی کے ہاتھ ایک اور خزانہ لگ گیا
ترکی کے ہاتھ ایک اور خزانہ لگ گیا

  

انقرہ (ڈیلی پاکستان آن لائن) ترک صدر رجب طیب اردگان نے اعلان کیا ہے کہ بحیرہ اسود میں گیس کے نئے ذخائر دریافت ہوئے ہیں۔

صدر طیب اردگان نے بتایا کہ بحیرہ اسود میں 85 ارب کیوبک میٹرز کے قدرتی گیس کے نئے ذخائر دریافت ہوئے ہیں ، یہ ان 320 ارب کیوبک میٹرز کے علاوہ ہیں جو کچھ ماہ پہلے دریافت ہوئے تھے۔

انہوں نے بتایا کہ بحیرہ اسود سے ملنے والے قدرتی گیس کے ذخائر 2023 تک عوام کے استعمال کیلئے دستیاب ہوں گے۔

خیال رہے کہ اس سے قبل اگست میں ترکی کو بحیرہ اسود میں 320 ارب کیوبک میٹرز قدرتی گیس کے ذخائر ملے تھے۔ صدر اردگان نے اعلان کیا ہے کہ ترکی سمندر میں تحقیق کا سلسلہ جاری رکھے گا۔

ترکی کے ہر سال 35 سے 50 ارب ڈالر تیل و گیس امپورٹ  کرنے پر خرچ ہوجاتے ہیں، لیکن گیس کے ذخائر کی دریافت کے بعد ترکی توانائی کے شعبے میں نہ صرف خود مختار ہوجائے گا بلکہ اس سے زر مبادلہ بھی کما سکے گا۔

مزید :

Breaking News -بین الاقوامی -