پاک بھارت ٹاکرے سے متعلق سابق بھارتی کھلاڑی اجیت اگرکر کا بیان بھی سامنے آگیا

پاک بھارت ٹاکرے سے متعلق سابق بھارتی کھلاڑی اجیت اگرکر کا بیان بھی سامنے آگیا
پاک بھارت ٹاکرے سے متعلق سابق بھارتی کھلاڑی اجیت اگرکر کا بیان بھی سامنے آگیا

  

ممبئی(ڈیلی پاکستان آن لائن )بھارتی کرکٹ ٹیم کے سابق فاسٹ باولر اجیت اگرکر نے کہا ہے کہ ٹی ٹوئنٹی ورلڈ کپ کے میچ میں پاکستان بھارت کو سخت مقابلہ نہیں دے گا ،پاکستان نے کبھی بھی ورلڈ کپ میں بھارت کو نہیں ہرایا ۔ان کا کہنا تھا کہ بھارتی کیمپ میں جیت سے قبل خوشیاں منانے کی ضرورت نہیں ہے ۔

انہوں نے کہا کہ پاکستان نے آئی سی سی چیمپئنز ٹرافی 2017 کے فائنل میں بھارت کے خلاف بڑی جیت حاصل کی اور وہ اس حقیقت سے خوش ہوں گے کہ چیمپئنز ٹرافی جیتنے والی ٹیم کے کئی ارکان ٹی 20 ورلڈ کپ 2021 سکواڈ کا حصہ ہیں۔ان کا کہنا تھا کہ بھارت کے سرخ رنگ اور ماضی کے ریکارڈ کو دیکھتے ہوئے بابر اعظم کی قیادت والی ٹیم مقابلہ میں بھارت کو پیچھے نہیں رکھ سکے گی۔ اجیت اگرکرنے کہا کہ جب بھارت اور پاکستان ایک ساتھ کھیلتے ہیں تو داو¿ ہمیشہ بلند ہوتے ہیں لیکن ٹیم انڈیا کی موجودہ شکل کو دیکھتے ہوئے اور اعدادوشمار کو مدنظر رکھتے ہوئے ، مجھے نہیں لگتا کہ پاکستان اتنا زیادہ چیلنج پیش کرے گالیکن پھر بھی بھارتی ٹیم کو پاکستانیوں کو آسان حریف نہیں سمجھنا کیونکہ کرکٹ ایک مضحکہ خیز کھیل ہے اور حالات کسی بھی لمحے تبدیل ہو سکتے ہیں ۔

مزید :

کھیل -T20 World cup -T20 Expert Opinion -PSL -