ترکی ، ایران اورروس کا شام کی سالمیت قائم رکھنے پر اتفاق، اردگان نے امریکہ کووارننگ دیدی

ترکی ، ایران اورروس کا شام کی سالمیت قائم رکھنے پر اتفاق، اردگان نے امریکہ ...
ترکی ، ایران اورروس کا شام کی سالمیت قائم رکھنے پر اتفاق، اردگان نے امریکہ کووارننگ دیدی

  


انقرہ (ڈیلی پاکستان آن لائن) ترکی ، ایران اورروس کا شام کی سالمیت قائم رکھنے پر اتفاق ، تینوں صدور نے مشترکہ پریس کانفرنس میں امریکہ کے ساتھ معاہدہ نہ ہونے کی صورت میں اپنے منصوبے پر عمل پیرا ہونے کا اعلان کردیا ۔

غیر ملکی خبر ایجنسی کے مطابق انقرہ میں سہ فریقی مذاکرات کے بعد ایرانی صدر حسن روحانی اور روسی صدر پیوٹن کے ساتھ مشترکہ پریس کانفرنس کرتے ہوئے ترک صدرطیب رجب اردگان نے کہا کہ دوہفتے تک امریکہ کے ساتھ کسی معاہدے پر نہ پہنچے تو اپنے منصوبے پر عمل در آمد کریں گے ۔انہوں نے کہا شام میں سیف زون کے قیام سے 30لاکھ شامی پناہ گزینوں کی واپسی کاعمل شروع ہوگا ، شام کی علاقائی سالمیت اوراتحاد پر تنیوں ملکوں کا اتفاق ہے ۔ انہوں نے کہا کہ شام میں دہشتگردوں کا صفایا اور دہشتگردی کیخلاف کوششیں بڑھائیں گے ۔ترکی کا مقصد شام کے پناہ گزینوں کیلئے جنوبی شام میں راہداری بناناہے ۔

اس موقع پر ایرانی صدر کا کہناتھا کہ امریکہ نے جولان کی پہاڑیوں کا علاقہ اسرائیل کے حوالے کردیاہے ، تاریخ میں یہ انوکھا واقعہ ہے کہ ایک ملک نے دوسرے ملک کا علاقہ تیسر ے فرد کے حوالے کردیا ۔ انہوں نے کہا کہ امریکہ نے پچھلے سال شام سے انخلاءکیلئے کہا تھا لیکن ٹرمپ کا یہ وعدہ بھی پچھلے وعدوں جیسا نکلا ،شام کوتقسیم کرنے کیلئے امریکہ دہشتگردوں کی پشت پناہی کررہا ہے ۔ انہوں نے کہا کہ یمن کے لوگ اپنے دفاع میں قانونی حق استعمال کررہے ہیں، یمن روز بمباری کا شکار ہوتاہے ۔

روسی صدر پیوٹن نے کہا کہ ایران نے روس سے ایس 300میزائل سسٹم اور ترکی نے ایس 400میزائل سسٹم لیاہے ۔ ان کا کہنا تھا کہ سعودی عرب بھی چاہئے تو ایران کی طرح اس کا تحفظ بھی کرسکتے ہیں۔

مزید : بین الاقوامی /اہم خبریں


loading...