مسائل نعروں سے نہیں، عملی اقدامات سے حل ہوتے ہیں، وزیراعلیٰ بلوچستان

مسائل نعروں سے نہیں، عملی اقدامات سے حل ہوتے ہیں، وزیراعلیٰ بلوچستان

  

قلعہ سیف اللہ(مانیٹرنگ ڈیسک) وزیراعلیٰ بلوچستان جام کمال خان نے کہاہے کہ ماضی میں وسائل کا درست استعمال ہوتا تو آج صوبے کی صورتحال بہت بہتر ہوتی، قبول کرنا ہوگا کہ بلوچستان کی پسماندگی کے سب ذمہ داری ہیں، مسائل صرف نعروں سے نہیں، عملی اقدامات سے حل ہوتے ہیں، کوشش ہے عملی طور پر ترقیاتی کام کر کے دکھائیں۔ٹریڈ ٹرمینل گیٹ کی افتتاحی تقریب سے خطاب کرتے ہوئے جام کمال نے کہا ہم نے 2 سال میں بلوچستان کی پائیدار سماجی اور معاشی ترقی کی پالیسی اپنائی ہے، ہمیں فیصلہ سازی میں اپنے عوام کے مفاد کو مقدم رکھنا ہے۔ بلوچستان کی ترقی کا فائدہ پوری قوم کو ہوگا، ترقیاتی عمل کے ثمرات کیلئے تمام فریقوں کی شمولیت ضروری ہے۔ عوامی مسائل کو حل کرنا ہماری ذمہ داری ہے۔انہوں نے کہا کہ صوبے میں بنیادی ڈھانچے کی ترقی پر بھی توجہ مرکوز ہے۔ بلوچستان میں پہلی مرتبہ ان جگہوں پر کام کر رہے ہیں جہاں ماضی میں کبھی کام نہیں ہوا۔ ان سڑکوں سے تجارت کرنیوالوں کو آسانی ہوگی، بارڈر پر چھوٹی چھوٹی آبادیاں حکومت بنا کر دے رہی ہے، سرحدی علاقوں میں ترقیاتی منصوبے بھی سالانہ پروگرام میں شامل ہیں۔

وزیراعلیٰ بلوچستان

مزید :

صفحہ آخر -