اقوام متحدہ کشمیر اور فلسطین میں ہونیوالے مظالم کیخلاف آواز اٹھائے: او آئی سی 

        اقوام متحدہ کشمیر اور فلسطین میں ہونیوالے مظالم کیخلاف آواز اٹھائے: ...

  

 جنیوا(آئی این پی) اسلامی تعاون تنظیم نے اقوام متحدہ کی کونسل برائے انسانی حقوق  پر فلسطین، مقبوضہ کشمیر سمیت دنیا کے دیگر خطوں میں مسلمانوں کے خلاف انسانی حقوق کی خلاف ورزیوں پر موثر آواز اٹھانے کے لیے زور دیا ہے، او آئی سی کو دنیا میں اسلامو فوبیا اور مذہبی عدم برداشت کے بڑھتے ہوئے واقعات پر گہری تشویش ہے،دنیا بھر میں  مذہبی جذبات کو مجروح کرنا ردعمل پر اکسانے کی کوشش ہے۔بین الاقوامی میڈیا کے مطابق  جینیوا میں جاری کونسل کے اجلاس میں پاکستان کے سفیر خلیل ہاشمی نے او آئی سی کی نمائندگی کرتے ہوئے بیان دیا۔ انہوں ں ے کہا کہ او آئی سی کو دنیا میں اسلامو فوبیا اور مذہبی عدم برداشت کے بڑھتے ہوئے واقعات پر گہری تشویش ہے۔انہوں نے فرانسیسی میگزین کی جانب سے گستاخانہ خاکوں کی اشاعت  اور مذہبی کتب کو جلانے جیسے واقعات کا حوالہ دیتے ہوئے کہا کہ مذہبی جذبات کو مجروح کرنا ردعمل پر اکسانے کی کوشش ہے۔ آزادی اظہار کی آڑ میں ایسی کوششوں کو جواز فراہم نہیں کیا جاسکتا۔او آئی سی کے بیان میں بھارت کے زیر تسلط جموں و کشمیر میں بنیادی انسانی حقوق کی پامالی پر شدید تشویش کا اظہار کیا گیا۔ او آئی سی نے کشمیر پر اقوام متحدہ ہائی کمشنر برائے انسانی حقوق کی رپورٹوں میں  دی گئی تجاویز پر عمل درآمد کا مطالبہ کیا۔ بیان میں اسلامی ممالک کی تنظیم نے اقوام متحدہ کی سیکیورٹی کونسل کو کشمیریوں سے کیے گئے وعدے پورے کرنے  چاہییں۔

او آئی سی

مزید :

صفحہ اول -