پبلک ہیلتھ انجینئرنگ افسروں پر تشدد  کیس کی سماعت 21 ستمبر تک ملتوی

         پبلک ہیلتھ انجینئرنگ افسروں پر تشدد  کیس کی سماعت 21 ستمبر تک ملتوی

  

 ملتان (خصو صی رپورٹر)انسداد دہشت گردی کی خصوصی عدالت(بقیہ نمبر18صفحہ 10پر)

 نمبر دو ملتان نے پبلک ہیلتھ انجینئرنگ کے افسران کو تشدد کا نشانہ بنانے والے مبینہ دہشتگردوں کے خلاف ناقص انکوائری کرنے والے انسپکٹر اور اسسٹنٹ سب انسپکٹر کے خلاف نوٹس کیس کی سماعت 21 ستمبر تک ملتوی کردی ہے۔قبل ازیں فاضل عدالت میں پولیس تھانہ صدر وہاڑی کے پیش کیے گئے استغاثہ کے مطابق کمیونٹی ڈویلپمنٹ آفیسر پبلک ہیلتھ انجینئرنگ نعیم احمد نے 3 نومبر 2018 کو مقدمہ درج کرایا۔ جس میں الزام عائد کیا گیا کہ ملزمان صدیق وغیرہ جو مین پائپ لائن سے پانی چوری کررہے تھے انہیں روکنے کے لیے سرکاری افسران و اہلکاروں کی ٹیم موقع پر پہنچی تو 50 سے 60 ملزمان نے ٹیم پر حملہ کیا اور ڈنڈے، سوٹوں، پمپ ایکشن لہراتے ہوئے حملہ کردیا جس سے کئی اہلکار زخمی ہوئے اور علاقے میں خوف و ہراس بھی پھیل گیا تھا۔ لیکن کیس کی ناقص انکوائری کرنے پر انسپکٹر و انچارج اے ٹی اے کیسز محمد ذاکر اور اسسٹنٹ سب انسپکٹر قیصر منظور کو 27 اے کا نوٹس بھی جاری ہوا اور فرد جرم بھی عائد کردی گئی ہے۔ مزید کارروائی کے لیے سماعت ملتوی کردی گئی ہے۔

ملتوی

مزید :

ملتان صفحہ آخر -