محمد حفیظ نے حیدرعلی کو تکنیک بہتر بنانے کا مشورہ دے دیا

محمد حفیظ نے حیدرعلی کو تکنیک بہتر بنانے کا مشورہ دے دیا
محمد حفیظ نے حیدرعلی کو تکنیک بہتر بنانے کا مشورہ دے دیا
کیپشن:    سورس:   Twitter/@MHafeez22

  

 کراچی(ویب ڈیسک)سینئر آل راؤنڈر محمد حفیظ نے نوجوان بیٹسمین حیدرعلی کوتکنیک بہتر بنانے کا مشورہ دے دیا۔ایک انٹرویو میں محمد حفیظ نے کہاکہ حیدر ایک انتہائی باصلاحیت اور پراعتماد کھلاڑی ہے، اعلیٰ سطح پر کارکردگی دکھانے کے لیے یہ چیز درکار ہوتی ہے لیکن ابھی انھیں بدستور تکنیک پر بہت زیادہ کام کرنے کی ضرورت ہے، اگر ایسا ہوگیا تو وہ انٹرنیشنل کرکٹ میں طویل عرصے تک ٹک پائیں گے، مجھے امید ہے کہ حیدر اس پر کام کریں گے، جتنی ان کی تکنیک اچھی ہوئی اتنی ہی شاٹ رینج بھی بہتر ہوتی جائے گی۔ میں ان کی کامیابی کے لیے دعاگو ہوں۔

حفیظ نے مزید کہاکہ جب بھی کوئی نوجوان کرکٹر دنیا کے سامنے عمدہ پرفارم کرے تو مجھے بہت زیادہ خوشی ہوتی ہے، اس سے ہی پاکستان کرکٹ آگے جائے گی، میں زیادہ نوجوان کرکٹرز کو سامنے آتا دیکھنا چاہتا ہوں مگر اس کیلیے ضروری ہے کہ وہ انٹرنیشنل کرکٹ کے لیے مکمل طور پر تیار ہوکر سامنے آئیں۔

مزید :

کھیل -