جیسے سچ مُچ اُسی کو دیکھا ہے | امید فاضلی|
جیسے سچ مُچ اُسی کو دیکھا ہے
اُس کی آواز ہے کہ چہرہ ہے
جس نے چاہا ہے خود کو چاہا ہے
میں بھی جھوٹا ہوں تو بھی جھوٹا ہے
باہیں پھیلا رہے ہو کس کے لیے
وہ تو خوشبو کا ایک جھونکا ہے
جِس کی خاطر صبا ہے آوارہ
میرے انفاس میں وہ مہکا ہے
اے بہارو بتاؤ اب کی برس
اس کے چہرے کا رنگ کیسا ہے
وصل اس کا نہ جانے کیا ہوگا
ہجر جس کا وصال جیسا ہے
سو انگ اتنے بھرے کہ بھول گیا
میرا اپنا بھی ایک چہرہ ہے
اُس سے بھی میری تشنگی نہ بجھی
وہ جو اک بے کنار دریا ہے
دشتِ غربت بھی میرے ساتھ اُمید
میرے ہی گھر میں سانس لیتا ہے
شاعر: اُمید فاضلی
(شعری مجموعہ:دریا آخر دریا ہے،سالِ اشاعت،1979)
Jaisay Sach Much Usi Ko Dekha Hay
Uss Ki Awaaz Hay Keh Chehra Hay
Jiss Nay Chaaha Hay Khud Ko Chaaha Hay
Main Bhi Jhoota Hun Too Bhi Jhoota Hay
Baahen Phaila Rahay Ho Kiss K Liay
Wo To Khushbu Ka Aik Jhonka Hay
Jiss Ki Khaatir Sabaa Hay Awaara
Meray Anfaas Men Wo Mehka Hay
Ay Bahaaro Bataao Ab Ki Barass
Uss K Chehray Ka Rang Kaisa Hay
Wasl Uss Ka Najaanay Kaya Ho Ga
Hijr Jiss Ka Visaal Jaisa Hay
Sawaang Itnay Bharay Keh Bhool Gaya
Mera Apna Bhi Koi Chehra Hay
Uss Say Bhi Meri Tashnagi Na Bujhi
Wo Jo Ik Bekinaar Darya Hay
Dasht -e- Ghurbat Bhi Meray Saath UMMEED
Meray Hi Ghar Men Saans Leta Hay
Poet: Ummeed Fazli