پاکستان کے خلاف پہلے ون ڈے میچ سے قبل نیوزی لینڈ کو بڑا جھٹکا، اہم کھلاڑی سیریز سے باہر
ویلنگٹن (ڈیلی پاکستان آن لائن )پاکستان اور نیوزی لینڈ کے درمیان ون ڈے سیریز کا پہلا میچ آج راولپنڈی میں کھیلا جائے گا لیکن اس سے قبل ہی مہمان ٹیم کو بڑا جھٹکا لگ گیاہے کیونکہ ان کے اہم بلے باز ” ٹام بلنڈل “ انجری کا شکار ہونے کے بعد سیریز سے باہر ہو گئے ہیں ۔
تفصیلات کے مطابق کیوی وکٹ کیپر بیٹسمین ٹام بلنڈل ٹانگ میں اسٹرین کے باعث پاکستان کے خلاف ون ڈے سیریز سے باہر ہوگئے۔ بلنڈل بنگلا دیش کے خلاف چوتھے ٹی ٹوئنٹی میچ میں فٹنس مسائل سے دوچار ہوئے تھے۔
#PAKvNZ | @TomBlundellNZ has been ruled out of the ODI series against @TheRealPCB with a left-quad strain. @dazmitchell47, who was initially joining the side for the T20I series, will now assemble with the ODI squad once he’s completed mandatory isolation. https://t.co/en25glWvl0
— BLACKCAPS (@BLACKCAPS) September 16, 2021
نیوزی لینڈ نے ٹام بلنڈل کی جگہ ڈیرل میچل کو ون ڈے اسکواڈ میں شامل کرلیا ہے جو پہلے ہی ٹی ٹوئنٹی اسکواڈ میں شامل تھے۔پہلا میچ ڈے اینڈ نائٹ ہوگا اور آج آڑھائی بجے شروع ہوگا۔دونوں ٹیموں کے درمیان تینوں ون ڈے میچر راولپنڈی جبکہ پانچ ٹی 20 میچ لاہور میں کھیلیں جائیں گے۔
میچ سے قبل گزشتہ روز دونوں ٹیموں نے فیلڈنگ، باولنگ اور بیٹنگ کی پریکٹس کی۔ نیوزی لینڈ کی ٹیم 18سال کے بعد پاکستان کے دورے پر آئی ہے۔ پاکستانی کرکٹ ٹیم کے کپتان بابر اعظم نے پہلے ون ڈے میچ میں تین سپن باو¿لر کھلانے کا عندیہ دیا ہے۔