قومی کرکٹر محمد حفیظ کا کرکٹ سیریز منسوخ ہونے پر رد عمل سامنے آگیا

قومی کرکٹر محمد حفیظ کا کرکٹ سیریز منسوخ ہونے پر رد عمل سامنے آگیا
قومی کرکٹر محمد حفیظ کا کرکٹ سیریز منسوخ ہونے پر رد عمل سامنے آگیا

  

لاہور(ڈیلی پاکستان آن لائن ) پاکستا ن قومی کرکٹ ٹیم کے آل راﺅنڈر اور سابق کپتان محمد حفیظ نے پاکستان اور نیوزی لینڈ کے درمیان کرکٹ سیریز منسوخ ہونے کی خبر کو قوم کے لئے مایوس کن قرار د ے دیا۔

سماجی رابطے کی ویب سائٹ ٹوئٹر پر اپنے ایک پیغام میں سابق کپتان محمد حفیظ کا کہنا تھا کہ پاکستان محفوظ ملک اور پاکستانی قوم قابل ہے، پاکستان اور نیوزی لینڈ کے درمیان کرکٹ سیریز منسوخ ہونا قوم کے لئے مایوس کن خبر ہے۔

واضح رہے کہ پاکستان کرکٹ بورڈ نے اعلان کیاہے کہ سیکیورٹی خدشات کے پیش نظر پاکستان اور نیوزی لینڈ کے درمیان کرکٹ سیریز منسوخ کر دی گئی ہے۔

 پاکستان کرکٹ بورڈ کی جانب سے جاری کر دہ بیان میں کہاگیاہے کہ نیوزی لینڈ کی جانب سے سیکیورٹی خدشات کا اظہار کیا گیا ہے ، سیریز کو نیوزی لینڈ کی جانب سے یکطرفہ طورپر منسوخ کیا گیاہے ۔

مزید :

کھیل -