کپتان بابر اعظم نے پاکستان اور نیوز ی لینڈ کے درمیان کرکٹ سیریز منسوخ ہونے پر اہم بیان جاری کردیا

 کپتان بابر اعظم نے پاکستان اور نیوز ی لینڈ کے درمیان کرکٹ سیریز منسوخ ہونے ...
 کپتان بابر اعظم نے پاکستان اور نیوز ی لینڈ کے درمیان کرکٹ سیریز منسوخ ہونے پر اہم بیان جاری کردیا

  

راولپنڈی(ڈیلی پاکستان آ ن لائن ) پاکستان کرکٹ ٹیم کے کپتان بابر اعظم نے کہاہے کہ پاکستان اور نیوز ی لینڈ کے درمیان کرکٹ سیریز کے ختم ہونے پر مایوسی ہوئی ہے۔

سماجی رابطے کی ویب سائٹ ٹوئٹر پر اپنے ایک بیان میں کپتا ن بابر اعظم کا کہنا تھا کہ دونوں ممالک کی کرکٹ ٹیموں کے درمیان سیریز سے لاکھوں شائقین کرکٹ کے چہروں پر مسکراہٹ آنی تھی۔

قومی کرکٹ ٹیم کے کپتان نے مزید کہا کہ ہمارے سیکیورٹی اداروں کی صلاحتیوں اور ساکھ پر مکمل اعتماد ہے، پاکستان زندہ باد۔

واضح رہے کہ پاکستان کرکٹ بورڈ نے اعلان کیاہے کہ سیکیورٹی خدشات کے پیش نظر پاکستان اور نیوزی لینڈ کے درمیان کرکٹ سیریز منسوخ کر دی گئی ہے۔

 پاکستان کرکٹ بورڈ کی جانب سے جاری کر دہ بیان میں کہاگیاہے کہ نیوزی لینڈ کی جانب سے سیکیورٹی خدشات کا اظہار کیا گیا ہے ، سیریز کو نیوزی لینڈ کی جانب سے یکطرفہ طورپر منسوخ کیا گیاہے ۔

مزید :

اہم خبریں -کھیل -