نیوزی لینڈ کا دورہ پاکستان منسوخ، لمبی خاموشی کے بعد چیئرمین پی سی بی رمیز راجہ نے پیغام جاری کر دیا ، کیا کرنے جارہے ہیں ؟ بتا دیا 

نیوزی لینڈ کا دورہ پاکستان منسوخ، لمبی خاموشی کے بعد چیئرمین پی سی بی رمیز ...
نیوزی لینڈ کا دورہ پاکستان منسوخ، لمبی خاموشی کے بعد چیئرمین پی سی بی رمیز راجہ نے پیغام جاری کر دیا ، کیا کرنے جارہے ہیں ؟ بتا دیا 

  

راولپنڈی (ڈیلی پاکستان آن لائن )نیوزی لینڈ کی جانب سے پاکستان کا دورہ منسوخ کیئے جانے پر چیئرمین پی سی بی رمیز راجہ نے مایوسی کا اظہار کرتے ہوئے معاملے کو انٹر نیشنل کرکٹ کونسل میں اٹھانے کا اعلان کر دیاہے ۔

تفصیلات کے مطابق چیئرمین پی سی بی رمیز راجہ نے ٹویٹر پر پیغام جاری کرتے ہوئے کہا کہ آج کا دن بہت ہی عجیب تھا ، میں اپنے کھلاڑیوں اور شائقین کرکٹ کیلئے بہت افسوس ہے ،سیکیورٹی خدشات پر یکطرفہ فیصلہ کرتے ہوئے دورے کو منسوخ کرنا  نہایت ہی مایوس کن ہے اور خصوصی طور پر اس وقت جب اس کو شیئر نہ کیا جائے ، نیوزی لینڈ کس دنیا میں جی رہا ہے ، نیوزی لینڈ ہمیں آئی سی سی میں سنے گا ۔

یاد رہے کہ اس سے قبل پاکستان کرکٹ بورڈ کی جانب سے دورہ منسوخ ہونے پر پیغام جاری کرتے ہوئے بتایا گیا کہ  سیکیورٹی خدشات کے پیش نظر پاکستان اور نیوزی لینڈ کے درمیان کرکٹ سیریز منسوخ کر دی گئی ہے ,نیوزی لینڈ نے سیکیورٹی خدشات کا اظہار کرتے ہوئے سیریز کو یکطرفہ طور پر منسوخ کیا ۔  نیوزی لینڈ کرکٹ کی جانب سے ہمیں اطلاع دی گئی کہ انہیں کچھ سیکیورٹی الرٹس موصول ہوئے ہیں اور وہ یکطرفہ طور پر سیریز کو منسوخ کرنے جارہے ہیں ۔پی سی بی کا کہناتھا کہ پی سی بی اور حکومت پاکستان کی جانب سے دورہ کرنے والی تما م ٹیموں کیلئے فل پروف سیکیورٹی انتظامات کیئے گئے اور ہم نے نیوزی لینڈ کو بھی یہی یقین دہانی کروائی تھی ، وزیراعظم پاکستان نے نیوزی لینڈ کی وزیراعظم سےرابطہ کر کے بتایا کہ ہماری انٹیلی جنس ایجنسی دنیا کی بہترین ایجنسی ہے اور مہمان ٹیم کو کوئی تھریٹ نہیں ہے ۔

 پاکستان کرکٹ بورڈ کی جانب سے جاری کر دہ بیان میں کہا گیاہے کہ نیوزی لینڈ کی ٹیم کے ہمراہ سیکیورٹی آفیشلز حکومت پاکستان کی جانب سے کیئے جانے والے سیکیورٹی انتظامات سے مطمئن تھے ۔پاکستان کرکٹ بورڈ شیڈول میچز کروانے کیلئے تیار ہے ، تاہم پاکستان سمیت دنیا بھر کے کرکٹ شائقین کو اس اچانک منسوخی کے فیصلے پر مایوسی ہو گی 

مزید :

اہم خبریں -کھیل -