دنیا کے امیر ترین شخص لیری ایلیسن نے  اپنی عمر سے 47 برس چھوٹی خاتون سے پانچویں شادی  رچالی 

واشنگٹن (آئی این پی )گزشتہ ہفتے وقتی طور پر ایلون مسک کو پیچھے چھوڑ کر  دنیا کے امیر ترین شخص کا  اعزاز حاصل کر  نے والے  اوریکل کمپنی کے شریک بانی لیری ایلیسن نے   اپنی عمر سے 47 برس چھوٹی خاتون سے پانچویں شادی  رچالی ۔

بلوم برگ کی رپورٹ  کے مطابق  ارب پتی انڈیکس کے مطابق اس دوران ایلیسن کی دولت کا تخمینہ 393 ارب ڈالر تھا، جبکہ ایلون مسک کی دولت 385 ارب ڈالر رہی۔ دلچسپ بات یہ ہے کہ لیری ایلیسن نے 81 سال کی عمر میں 47 سال چھوٹی جولن زو   سے شادی کی۔ جولن زو مشی گن یونیورسٹی کی گریجویٹ ہیں اور چینی، انگریزی کے ساتھ ہسپانوی زبان بھی جانتی ہیں۔

 ان کی ملاقات 2018 میں ایک یونیورسٹی ایونٹ کے دوران ہوئی، اور نومبر 2024 میں وہ رسمی طور پر 'لیری کی بیوی' کے طور پر متعارف ہو چکی ہیں۔ لیری ایلیسن کی یہ پانچویں شادی ہے، اور پہلے چار شادیاں زیادہ عرصہ تک نہیں چل سکیں، تاہم ان کے ایک سابقہ اہلیہ سے دو بچے بھی ہیں۔