راجہ پرویز اشرف کا نام مشروط طور پر امیدواروں کے فہرست میں شامل کرنے کا حکم دے

راجہ پرویز اشرف کا نام مشروط طور پر امیدواروں کے فہرست میں شامل کرنے کا حکم دے
راجہ پرویز اشرف کا نام مشروط طور پر امیدواروں کے فہرست میں شامل کرنے کا حکم دے

  

لاہور(مانیٹرنگ ڈیسک)لاہور ہائی کورٹ نے راجہ پرویز اشرف کا نام مشروط طور پر امیدواروں کے فہرست میں شامل کرنے کا حکم دے دیا ہے۔نجی ٹی وی کے مطابق راجہ پرویز اشرف کا نااہلی کا فیصلہ وارضی طور پر معطل کر دیا گیا ہے۔لاہور ہائی کورٹ نے نیب اور الیکشن کمیشن کو 22اپریل کو طلب کر لیا ہے۔لاہور ہائی کورٹ کے فل کورٹ بینچ نے راجا پرویز اشرف کی درخواست کی سماعت کی، سابق وزیر اعظم کی جانب سے فاروق ایچ نائیک، سردار لطیف کھوسہ، احسن بھون  اور عابد ساقی پیش ہوئے۔ عدالت عالیہ نے وکلا کے ابتدائی دلائل سننے کے بعد الیکشن کمیشن سے جواب طلب کرتے ہوئے انتخابی امیدواروں کی فہرست میں ان کا بھی نام شامل کرنے کی ہدایت کردی۔راجا پرویز اشرف نے الیکشن ٹریبونل میں اپنی نااہلی کے خلاف اپیل مسترد ہونے کے بعد لاہور ہائی کورٹ میں اپیل دائر کی تھی جس میں مؤقف اختیار کیا گیا تھا کہ رینٹل پاور کیس میں نا تو کوئی نیب میں ریفرنس ہے اور نا ہی انہیں کوئی سزا دی گئی، اس کےباوجود ریٹرننگ افسر نے ان کے کاغذات نامزدگی اور الیکشن ٹریبونل نے ان کی درخواست مسترد کردی، اس لئے عدالت عالیہ قانون کے تحت الیکشن ٹریبونل کی جانب سے انہیں نااہل قرار دینے کا فیصلہ کالعدم قرار دے۔

مزید :

لاہور -