مناواں: بچوں کی ہلاکت کیس‘ ٹافیوں کے نمونوں کی فرانزک رپورٹ جاری

مناواں: بچوں کی ہلاکت کیس‘ ٹافیوں کے نمونوں کی فرانزک رپورٹ جاری

لاہور(کرائم رپورٹر)مناواں میں تین بچوں کی ہلاکت کیس میں مزید پیش رفت سامنے آئی ہے۔ پنجاب فرانزک سائنس ایجنسی نے ٹافیوں کے نمونوں کے نتائج جاری کر دیئے۔ زرائع کے مطابق گزشتہ ماہ مناواں میں تین بچوں کی ہلاکت کے معاملے پر پنجاب فرانزک سائنس ایجنسی نے ٹافیوں کے نمونوں کے نتائج جاری کر دیئے ہیں، فرانزک رپورٹ کے مطابق ٹافیوں میں کسی قسم کا زہر نہیں پایا گیا جس کے بعد بچوں کی پر اسرار ہلاکت کا معاملہ مزید اُلجھ گیا، اگر بچوں کی موت ٹافیاں کھانے سے نہیں ہوئی تو پھر کیسے ہوئی؟ نئے سوالات نے جنم لے لیا۔تفتیشی ذرائع کے مطابق گھر والوں نے بچوں کی ہلاکت کا سبب زہریلی ٹافیاں کھانے کو قرار دیا تھا۔ جس پر پنجاب فوڈ اتھارٹی سپیشل آپریشن ٹیموں نے علاقہ بھر کی دکانوں سے نمونے لے کر لیبارٹری تجزیے کے لیے بھیجے تھے۔ بچوں نے جو ٹافیاں کھائیں ان کے علاہ بھی علاقہ بھر کی 12 دکانوں سے سیمپل لیے گئے تھے۔

مزید : علاقائی