پاکستان فلم، میڈیا اور ثقافت کے شعبے میں چین سے تعاون بڑھانے کا خواہاں: مریم اورنگزیب

پاکستان فلم، میڈیا اور ثقافت کے شعبے میں چین سے تعاون بڑھانے کا خواہاں: مریم ...

اسلام آباد(این این آئی)وزیر مملکت اطلاعات مریم اورنگزیب سے چین کے سفیر یاؤ جنگ کی ملاقات،ملاقات میں میڈیا، اطلاعات اور ثقافت کے شعبوں خصوصاًچین اور ایگزیکٹو ثقافتی پروگرام کے حوالے سے تبادلہ خیال کیا گیا۔اس موقع پرمریم اورنگزیب نے کہاکہ پاکستان فلم ، میڈیا ،ثقافت کے شعبے میں چین کے ساتھ تعاون بڑھانے کا خواہاں ہے۔ انہوں نے کہاکہ پاکستان سی پیک کو فنکاروں، فلم، ٹی وی ڈراموں ،آرٹس اور دستکاری کے کے تبادلوں کے ذریعے ثقافتی راہداری میں تبدیل کرنا چاہتا ہے۔پاکستان نے فلمی صنعت اور اور پالیسی کی تشکیل کے حوالے سے چینی سینما ماڈل سے بہت کچھ سیکھا ہے۔ جلد ہی چین کے سینما گھروں میں 2پاکستانی فلمیں نمائش کے لیے پیش کی جائیں گی۔ امید ہے فلموں کے ذریعے دونوں ممالک کے لوگوں کو ایک دوسرے کی ثقافت اور اقدار کو سمجھنے میں مدد ملے گی۔مریم اورنگزیب نے پاکستان کی فلم انڈسٹری کی بحالی میں تعاون پر چین کے کردار کو سراہا۔چینی سفیر نے پاکستان اور چین کے مابین ثقافتی تعلقات کو مضبوط اور خصوصی فلم کے شعبہ میں فروغ دینے کے حوالے سے وزیر مملکت اطلاعات کی کاوشوں کو سراہا۔

مزید : صفحہ آخر