دورہ یورپ،قومی ہاکی ٹیم کا تربیتی کیمپ شروع

         دورہ یورپ،قومی ہاکی ٹیم کا تربیتی کیمپ شروع

  

         لاہور (سپورٹس رپورٹر)ایشیا کپ سے قبل دورہ یورپ کیلئے پاکستان ہاکی ٹیم کا ٹریننگ کیمپ لاہور میں گزشتہ روز بھی جاری رہا،پاکستان ہاکی ٹیم ایک عرصہ کے بعد یورپ کا دورہ کر رہی ہے اور اس کا مقصد صرف ایک ہی ہے کہ ایشیا کپ کے لیے بھرپور تیاری کی جا سکے۔ایشیا کپ، ورلڈ کپ کیلئے پہلا کوالیفائنگ مرحلہ بھی ہے، رمضان المبارک کی وجہ سے ٹریننگ کیمپ کو ڈیزائن کیا گیا اور زیادہ تر فٹنس کو فوکس کیا جا رہا ہے۔ٹیم مینجمنٹ کا کہنا ہے کہ کیمپ میں کھلاڑیوں کا رسپانس اچھا ہے اور ان میں بہتری دکھائی دے رہی ہے امید ہے کہ ان کی محنت ضرور رنگ لیکر آئے گی اور ٹیم دورہ یورپ میں عمدہ پرفارمنس دکھائے گی۔پاکستان ہاکی ٹیم کی 22 اپریل کو یورپ روانگی شیڈولڈ ہے، پاکستان ٹیم ہالینڈ، بیلجئیم اور اسپین میں میچز کھیلے گی۔ 

مزید :

کھیل اور کھلاڑی -