آتے ہی ڈرامے بازی شروع ؟، میٹرو بس کے افتتاح پر اسد عمر سی ڈی اے کا پرانا ٹوئیٹ سامنے لے آئے
اسلام آباد ( ڈیلی پاکستان آن لائن ) تحریک انصاف کے سیکرٹری جنرل اور سابق وفاقی وزیر اسد عمر نے وزیر اعظم کی جانب سے پشاور موڑ تا نیو ائیرپورٹ اسلام آباد میٹرو بس کے منصوبے کے افتتاح پر تنقید کرتے ہوئے کہا کہ آتے ہی ڈرامے بازی شروع؟۔
اسد عمر نے سماجی رابطے کی ویب سائٹ ٹویٹر پر سی ڈی اے کا 2 ماہ پرانا ٹویٹ شیئر کیا جس میں لکھا گیا ہے کہ میٹرو بس کا افتتاح اپریل کے پہلے ہفتے میں کیا جائے گا ۔
CDA کا 2ماہ پرانا پریس ریلیز جس میں کہا گیا کہ میٹرو اپریل کے پہلے ہفتے میں چلنا شروع ہو جائے گی.... آتے ہی ڈرامہ بازی شروع pic.twitter.com/2Q6LuQgyoR
— Asad Umar (@Asad_Umar) April 18, 2022
اسد عمر نےمزید لکھا کہ سی ڈی اے کا 2 ماہ پرانا پریس ریلیز جس میں کہا گیا کہ میٹرو اپریل کے پہلے ہفتے میں چلنا شروع ہو جائے گی۔
خیال رہے کہ وزیر اعظم شہباز شریف نے آج میٹرو بس کا افتتاح کیا تھا جبکہ 5 روز قبل منصوبے کا دورہ کیا تھااور تاخیر پر شدید برہمی کا اظہار کرتے ہوئے منصوبے کو 5روزمیں آپریشنل کرنےکی ہدایت کی تھی۔
