کابل،شادی کی تقریب میں خودکش دھماکا،63 افراد ہلاک،182 زخمی

کابل،شادی کی تقریب میں خودکش دھماکا،63 افراد ہلاک،182 زخمی
کابل،شادی کی تقریب میں خودکش دھماکا،63 افراد ہلاک،182 زخمی

  


کابل (ڈیلی پاکستان آن لائن)افغانستان کے دارالحکومت کابل میں خودکش حملہ میں 63 افراد ہلاک اور 182 سے زائد زخمی ہوگئے ۔ افغان میڈیا کے مطابق افغانستان کے دارالحکومت کابل میں شادی ہال میں تقریب جاری تھی کہ اچانک خودکش دھماکا ہو گیا ،دھماکے میں 63 افراد ہلاک اور 182 سے زائد زخمی ہو گئے، زخمیوں میں متعدد کی حالت تشویشناک بتائی جاتی ہے ،دھماکے میں ہلاکتوں میں اضافے کا خدشہ ہے ،افغان میڈیا کے مطابق شادی کی تقریب میں ایک ہزار سے زائد افراد مدعو تھے اور ہال کھچاکھچ لوگوں سے بھرا ہوا تھا، دھماکے کی اطلاع ملتے ہی سکیورٹی فورسز اور ریسکیو ٹیمیں جائے وقوعہ پر پہنچ گئیںاور امدادی کارروائیاں شروع کردیں،افغان میڈیا کے مطابق دہشتگردحملے میں ہزارہ کمیونٹی کے افراد نشانہ بنے ،تاحال دھماکے کی ذمہ داری کسی گروپ نے قبول نہیں کی۔

مزید : اہم خبریں /بین الاقوامی


loading...