مرغیوں کے بعد نئی حکومتی پالیسی، نعیم الحق نے غریب خاندانوں کو بکریاں اور بھینسیں دینے کا اعلان کردیا

مرغیوں کے بعد نئی حکومتی پالیسی، نعیم الحق نے غریب خاندانوں کو بکریاں اور ...
مرغیوں کے بعد نئی حکومتی پالیسی، نعیم الحق نے غریب خاندانوں کو بکریاں اور بھینسیں دینے کا اعلان کردیا

  


اسلام آباد(ڈیلی پاکستان آن لائن) وزیر اعظم کے معاون خصوصی نعیم الحق نے کہاہے کہ غریب خاندان کو ایک بکری ، بھینس اور گائے دیں گے ، میں اس بات سے اتفاق نہیں کرتا کہ لوگ بے روزگار ہوئے ہیں، ہم جو پچاس لاکھ گھر بنارہے ہیں ، اس سے ڈیڑھ کروڑ نوکریاں پیدا ہونگی ۔

جیونیوز کے پروگرام ”نیا پاکستان “میں گفتگو کرتے ہوئے نعیم الحق نے کہا کہ غریب خاندان کو ایک بکری ، بھینس اور گائے دیں گے ، میں اس بات سے اتفاق نہیں کرتا کہ لوگ بے روزگار ہوئے ہیں، ہم جو پچاس لاکھ گھر بنارہے ہیں ، اس سے ڈیڑھ کروڑ نوکریاں پیدا ہونگی ، اس وقت چار لاکھ مکان بننا شروع ہوگئے ہیں۔

نعیم الحق کا کہنا تھا کہ ہم نے ترقیاتی بجٹ کو پانچسوارب سے نوسو ارب کردیاہے ، خزانہ خالی ہونے کے باوجودپی آئی اے ، پی ٹی وی ، پاکستان پوسٹ اور یوٹیلٹی سٹورز کارپوریشن نے منافع کمانا شروع کردیاہے ، یہ بہترین ادارے بننے جارہے ہیں۔انہوں نے کہا کہ اس سال پاکستان میں تاریخ کی سب سے بڑی سرمایہ کاری ہوگی ،ہماری پانچ سالہ منصوبہ بندی ہے ، ہم مایوس نہیں بلکہ پر امید ہیں ۔

مزید : قومی


loading...