عمران خان کو اب اقتدار میں کوئی دلچسپی نہیں، محمد زبیر

کراچی(آئی این پی)سابق گورنر سندھ محمد زبیر نے کہا ہے کہ مجھے نہیں لگتا بانی پی ٹی آئی واپس اقتدار میں آنے میں کوئی دلچسپی رکھتے ہیں، جتنا میں انکو سمجھ پایا ہوں میرے حساب سے وہ اقتدار میں واپس آنے میں کوئی دلچسپی نہیں رکھتے، اس وقت ایک نظر انکی تاریخ کی طرف ہے کہ لوگ مجھے کس طرح یاد رکھیں گے، بانی پی ٹی آئی بھی ذوالفقار علی بھٹو کی طرح اس وقت ہسٹری کے بارے میں بہت محتاط ہیں۔ مختلف ٹی وی چینلز سے انٹرویوز میں محمد زبیر نے کہا کہ نوازشریف کو واپس لانا اور قاضی فائز عیسی کو سپریم کورٹ کا جج بنانا ایک ملی بھگت تھی، جس میں سب سے پہلے اسٹیبلشمنٹ کو ساتھ ملایا گیا پھر کیسز ختم کرائے گئے، تحریک انصاف اس وقت تاریخ کی درست سمت میں کھڑی ہے، میں اس وجہ سے ان کا دفاع کرتا ہوں کیونکہ ان کے ساتھ زیادتی ہورہی ہے۔ 

محمد زبیر