علی امین گنڈاپور اور شکیل خان کی واٹس ایپ گروپ میں تلخ کلامی
پشاور (مانیٹرنگ ڈیسک) سابق صوبائی وزیر شکیل خان اور وزیر اعلیٰ خیبرپختونخوا علی امین گنڈاپور کے درمیان واٹس ایپ گروپ میں مبینہ تلخ کلامی ہوئی۔ذرائع کے مطابق پی ٹی آئی کے دونوں رہنماؤں کے درمیان تلخ کلامی گزشہ رات ایک بجے کے قریب تحریک انصاف کے پارلیمنٹرینز کے واٹس ایپ گروپ میں ہوئی، گروپ میں علی امین گنڈاپور اور شکیل خان میں ایک گھنٹے تک تلخ جملوں کا تبادلہ جاری رہا۔ذرائع کا بتایا کہ وزیراعلیٰ علی امین گنڈاپور اور شکیل خان نے ایک دوسرے پر کرپشن کے الزامات لگائے، شکیل خان نے وزیر اعلیٰ کو بااختیار نہ ہونے کا طعنہ بھی دیا۔ذرائع کا کہنا ہے کہ تلخ کلامی کے دوران شکیل خان نے واٹس گروپ میں ہی وزیر اعلیٰ خیبرپختونخوا کو استعفا دیا، جس پر وزیراعلیٰ علی امین گنڈاپور نے جواب دیا کہ میں نے پہلے ہی سے آپ کو فارغ کر دیا ہے۔ذرائع کے مطابق دیگر وزراء اور اراکین اسمبلی کی مداخلت پر دونوں نے واٹس ایپ گروپ سے میسیجز ڈیلیٹ کر دیئے۔
تلخ کلامی
