پاکستان کے معروف اداکار اسد صدیقی اور زارا نور عباس کی شادی کی تیاریاں زورو شور سے جاری
لاہور (ڈیلی پاکستان آن لائن) پاکستا ن کے معروف ٹی وی اداکار اسد صدیقی اور زارا نور عباس کو شادی کے بند ھن میں باندھنے کی تیاریاں عروج پر پہنچ گئی ہیں۔
نجی ٹی وی ایکسپریس نیوز کے مطابق ایکسپریس کے مطابق ٹی وی اداکار اسد صدیقی اور زارا نور عباس کی شادی ماہ رواں کے آخری ہفتے کراچی میں نہایت دھوم دھام سے ہوگی۔ جس کے دعوت نامے بھی تقسیم کئے جارہے ہیں جبکہ شادی میں شوبز سے وابستہ افراد کی بڑی تعداد مدعو کی جارہی ہے۔اسد صدیقی اور زارا نور عباس کی شادی دونوں کی پسند اور ان کے گھر والوں کی رضا مندی سے ہورہی ہے جبکہ چند ماہ پہلے دونوں کی منگنی کی تقریب رازداری سے منعقد کی گئی تھی تاہم شادی دھوم دھام سے کی جائے گی۔
واضح رہے کہ اسد صدیقی اداکار عدنان صدیقی کے بھانجے ہیں جو بہت سے ڈراموں کے ذریعے ڈرامہ انڈسٹری میں اپنی شناخت بنا چکے ہیں ج کہ زارا نور عباس اداکارہ اسما عباس کی بیٹی اور بشری انصاری کی بھانجی ہیں۔ انہوں نے اداکاری سے عارضی کنارہ کشی اختیار کررکھی ہے۔
لائیو ٹی وی پروگرامز، اپنی پسند کے ٹی وی چینل کی نشریات ابھی لائیو دیکھنے کے لیے یہاں کلک کریں۔
