’آرمی چیف آسانی سے نہیں بنتامشرف ہو یا کوئی اورجنرل کے عہدے تک۔۔۔ ‘چوہدری شجاعت حسین کھل کرمشرف کی حمایت میں آگئے
گجرات(ڈیلی پاکستان آن لائن)پاکستان مسلم لیگ ق کے رہنماچوہدری شجاعت حسین کہتے ہیں کہ کسی بھی ملک کا آرمی چیف آسانی سے نہیں بنتا۔ مشرف ہو یا کوئی اور فوجی، جنرل کے عہدے تک پہنچنے کیلئے قابلیت، احساسات اور ملک و قوم سے محبت کے جذبات اس میں کوٹ کوٹ کر بھرتے ہوتے ہیں۔
دنیا نیوز کے مطابق چودھری شجاعت حسین نے کہاسربراہ مسلم لیگ ق چودھری شجاعت حسین نے اپنے بیان میں کہا اس فوجی پر کیا بیتے گی جب اس کے سپہ سالار کو غدار کہا جا رہا ہے، ہمارے فوجی جوانون نے وطن عزیز کا دفاع کیا، کسی بھی ملک کا آرمی چیف آسانی سے نہیں بنتاجنرل کے عہدے تک پہنچنے کیلئے قابلیت، احساسات اور ملک و قوم سے محبت کے جذبات اس میں کوٹ کوٹ کر بھرتے ہوتے ہیں۔انہوں نے کہامشرف کو سزا سے سرحد پر کھڑے ہر سپاہی کو دکھ ہوا، ہمیں فوج کے اس سپاہی کے جذبات کی بھی تشویش ہونی چاہیے۔
چودھری شجاعت حسین کا کہنا تھا 1947ءسے آج تک ہزاروں مثالیں ملتی ہیں کہ ہمارے فوجی جوانوں نے ملک و قوم کی خاطر اپنی جانیں قربان کیں اور وطن عزیز کا دفاع کیا، کچھ لوگ اپنی جھوٹی اور جعلی قابلیت کی بنیاد پر عوام کو گمراہ کر رہے ہیں، فوج کے خلاف اپنے ڈرائنگ رومز اور ٹی وی شوز میں بیٹھ کر مباحثوں کے دوران وہ اپنی جھوٹی قابلیت کو اجاگر کرنے کی کوشش کرتے ہیں۔