پاکستان میں وسائل اور محنتی لوگوں کی کمی نہیں، سمانہ

پاکستان میں وسائل اور محنتی لوگوں کی کمی نہیں، سمانہ

  

لاہور(فلم رپورٹر)اداکارہ و ماڈل سمانہ نے کہا ہے کہ میں ان دنوں اپنے نئے گھر کی تزین و آرائش میں مصروف ہوں اور بہت جلد ایک بار پھر شوبز سرگرمیوں کا آغاز کردوں گی۔سمانہ نے کہا کہ عدم برداشت کا معاشرے کی تباہی میں اہم کردار ہے لوگ اپنی سوچ کے خلاف کوئی بات سننے کو تیار نہیں ہو تے جس کی وجہ سے لڑائی جھگڑوں میں بھی اضافہ ہو رہا ہے۔ انہوں نے کہا کہ پاکستان میں وسائل اور محنتی لوگوں کی کمی نہیں مگر بدقسمتی سے ہمارے معاشرے میں لوگ اپنی سوچ کے خلاف ایک بھی الفاظ سننے کو تیار نہیں ہو تے اور صرف خود کو ٹھیک اور باقی کو غلط سمجھتے ہیں۔سمانہ نے کہا کہ دنیا کے بدلتے حالات میں ہر کسی کو اپنے اندر برداشت پیدا کر نا ہوگی۔

کیونکہ جہاں برداشت ختم ہو جائے وہاں معاشرے تباہ ہوجاتے ہیں اور پاکستان میں بھی برداشت کا کلچر ختم ہو تا جا رہا ہے۔

مزید :

کلچر -