سب کام نیب نے کرنے ہیں تو دیگر ادارے بند کردیں، ڈپٹی چیئرمین سینیٹ

          سب کام نیب نے کرنے ہیں تو دیگر ادارے بند کردیں، ڈپٹی چیئرمین سینیٹ

  

اسلام آباد(سٹاف رپورٹر) ڈپٹی چیئرمین سینیٹ سلیم مانڈوی والا نے کہا ہے کہ جب سب کام قومی احتساب بیورو (نیب)نے ہی کرنا ہے تو کیا دیگر ادارے بند کر دیں۔جمعرات کو اسلام آباد میں پریس کانفرنس کرتے ہوئے ڈپٹی چیئرمین سینیٹ سلیم مانڈوی والا نے کہا کہ بزنس مین کا پارلیمنٹ میں ہونا ضروری ہے۔ لوگ سمجھتے ہیں بزنس مین صرف منافع کماتے ہیں۔انہوں نے کہا کہ اسلام آباد چیمبر والوں نے کال کی کہ نیب ان کو ٹارچر کر رہا ہے۔ وزیر اعظم، چیف جسٹس اور آرمی چیف کو خط لکھا ہے۔سلیم مانڈوی والا نے کہا کہ کل چیئرمین نیب بزنس کمیونٹی سے ملنے گئے تھے اور چیئرمین نیب نے کہا کہ انڈر انوائسز کیسز ایف بی آر کو بھیجے۔ اب جب سب کام نیب نے کرنا ہیں تو کیا دیگر ادارے بند کردیں؟سلیم مانڈوی والا نے کہا کہ جتنے لوگ نیب سے متاثر ہیں وہ سرحد چیمبر آئیں اور سرحد چیمبر والے سینیٹ میں ان معاملات کو لائیں۔ پہلی بار ایسا ہواہے کہ سینیٹ آف پاکستان کو نیب سے مشکلات کا سامنا ہے جبکہ رکن قومی اسمبلی اور سینیٹرز نیب کے ہاتھوں مشکلات کا شکار ہیں۔ بند کمروں میں نیب انویسٹی گیشن کر کے لوگوں کو ذلیل کرتا ہے تاہم اب میں اس معاملے کو سینیٹ کے فلور پر لا کر بحث کروں گا۔انہوں نے کہا کہ نیب نے مجھ پر الزام لگایا میں نے بے نامی ٹرانزیکشن کی ہے اب میں اسے دنیا کے سامنے لاؤں گا۔ چیئرمین نیب سے کہتا ہوں مجھ سے جو تفتیش کی گئی اس کی آڈیو ریلیز کریں۔

سلیم مانڈوی والا 

مزید :

صفحہ اول -