سرحدی خلاف ورزی پر مرغی گرفتار
بیروت(ویب ڈیسک) اسرائیلی فوج نے سرحد کی خلاف ورزی پر لبنانی بچے کی مرغی کو حراست میں لے لیا، جیسے ہی بچے کی مرغی نے لبنان اور اسرائیل کی درمیانی سڑک پار کی اسرائیلی فوجی گھبراہٹ کا شکار ہوگئے اور ہوائی فائرنگ شروع کردی۔
خلیجی خبر رساں ادارے کے مطابقمقامی صحافی کو حسین شرتونی نے بتایا کہ وہ اپنے بھائی کے ساتھ گھر پر پالنے کے لیے ایک روز پہلے ہی مرغیاں لے کر آیا تھا۔ صبح کے وقت جب وہ دانہ ڈالنے کے لیے مرغیوں کے ڈربے کے پاس پہنچا تو ان میں سے ایک مرغی نے اسرائیلی سرحد کی جانب دوڑ لگادی۔شرتونی کے گھر سے صرف 70 میٹر کے فاصلے پر اسرائیلیوں کی لگائی گئی باڑ کے نزدیک جیسے ہی یہ مرغی پہنچی تو اسرائیلی گھبرا گئے کیوں کہ وہاں نصب سینسرز سے انہیں اطلاع ملی کہ کوئی سرحد عبور کررہا ہے۔ یہ اشارہ ملتے ہی انہوں نے ہوائی فائرنگ شروع کردی۔
مقامی صحافی سے بات کرتے ہوئے شرتونی نے بتایا کہ اس کی مرغی سرحد عبور کرگئی اور ابھی تک واپس نہیں آئی، اس کی مرغی اسرائیلی فوجیوں نے رکھ لی ہے اور وہ اپنی مرغی ہر صورت واپس لانا چاہتا ہے۔سرحد سے متصل اس قصبے کی بلدیہ کے سربراہ عبدالمنعم کا کہنا ہے کہ اس طرح ایک چھوٹے واقعے پر ہوئی فائرنگ کرنا سراسر ایک جارحانہ اقدام ہے۔
الفتى حسين شرتوني من بلدة #ميس_الجبل الذي شغل بال العدو بدجاجته الهاربة نحو السياج وأطلق جنود العدو فوق رأسه النار :
— علي شعيب || Ali Shoeib ???????? 2️⃣ (@ali_manar1970) December 15, 2020
"بدي دجاجتي" ???? pic.twitter.com/2PzDsQu33K
یاد رہے کہ اسرائیل نے ہمیشہ لبنان پر کڑی نگرانی رکھی ہے تاہم اب اس علاقے میں ڈرونز اور جنگی طیاروں کی پرازوں میں کئی گنا اضافہ ہوگیا ہے۔اس سے قبل 2019 میں بھی ایک ایسا ہی واقعہ پیش آیا تھا جب تشتش نامی ایک بندر سرحدی گاؤں سے باڑ عبور کرکے شمالی اسرائیل میں داخل ہوگیا جہاں اس کی موجودگی کے باعث افراتفری پھیل گئی تھی۔