قومی ٹیم کے بیٹنگ کوچ یونس خان نے پہلے میچ سے پہلے کھلاڑیوں کو کیا کہا تھا؟ ویڈیو سامنے آ گئی

قومی ٹیم کے بیٹنگ کوچ یونس خان نے پہلے میچ سے پہلے کھلاڑیوں کو کیا کہا تھا؟ ...
قومی ٹیم کے بیٹنگ کوچ یونس خان نے پہلے میچ سے پہلے کھلاڑیوں کو کیا کہا تھا؟ ویڈیو سامنے آ گئی
سورس: Twitter

  

آکلینڈ (ڈیلی پاکستان آن لائن) نیوزی لینڈ میں پاکستان ٹیم کے ساتھ موجود بیٹنگ کوچ اور ماضی کے عظیم بیٹسمین یونس خان نے کھلاڑیوں کو پریکٹس سیشن کے دوران مشورے دئیے اور کہا کہ سنگل مس نہیں کرنا اور پراعتماد ہو کر کھیلنا۔ 

تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ یونس خان نے کھلاڑیوں سے کہا کہ سنگل مس نہیں کرنا، اچھی بال پر سنگل لیں اور بری بال پر فائدہ اٹھائیں اور میچ میں پراعتماد ہو کر کھیلیں۔ یونس خان نے کپتان شاداب کو بھی میچ سے متعلق مشورے دیئے اور ان سے خاصی دیر تک گفتگو کی۔

اس موقع پر یونس خان کرکٹرز کے شاٹس کی بھی خوب تعریف کرتے دکھائی دیئے اور انہوں نے پریکٹس کرتے کھلاڑیوں کا تالیاں بجا کر حوصلہ بھی بڑھایا۔ یونس خان نے بہتر طریقے سے بیٹ پکڑنے اور مختلف شاٹس کھیلنے کے حوالے سے بھی کھلاڑیوں کو بتایا اور بیٹنگ کے دوران ہاتھ اور کلائی کے استعمال سے متعلق بھی انہیں آگاہی دی۔ 

واضح رہے کہ نیوزی لینڈ نے پہلے ٹی 20 میچ میں سنسنی خیز مقابلے کے بعد پاکستان کرکٹ ٹیم کو 5 وکٹوں سے شکست دے کر تین میچوں کی سیریز میں 0-1 کی برتری حاصل کر لی ہے۔ 

مزید :

کھیل -