ڈاکٹربن کر خواتین کو آن لائن چیک اپ پر آمادہ کرنے اور پھر نازیبا ویڈیوز بنانے والا ملزم پکڑا گیا
روم (ویب ڈیسک ) اٹلی میں گائناکولوجسٹ کا روپ دھار کر خواتین کو آن لائن چیک اپ پر آمادہ کرنے اور پھر اُن کی نازیبا ویڈیوز بنانے والے40 سالہ شخص کو گرفتار کرلیا گیا۔
میڈیا رپورٹس کے مطابق جعلی ڈاکٹر نے کسی طرح اُن خواتین کا ڈیٹا حاصل کیا جنھوں نے حال ہی میں مختلف ہسپتالوں میں ویجائنل چیک اپ کرایا ہو۔ مذکورہ شخص ایسی خواتین کو فون کرکے ڈراتا کہ آپ کو ایک نئے قسم کے ویجائنل انفیکشن ہونے کا خدشہ ہے، اپنی باتوں سے خواتین کو آن لائن چیک اپ پر آمادہ کرلیتا۔ یہ چیک اپ زیادہ تر زوم پر کیے جاتے اور اس دوران خواتین کو اعضائے مخصوصہ کا معائنہ کرانے کا کہتا اور بغیر بتائے ویڈیوز بنالیتا۔
پولیس نے ملزم کے قبضے سے کئی سمارٹ فونز اور درجنوں میموری کارڈز برآمد کیے ہیں جن میں خواتین کی سیکڑوں نازیبا ویڈیوز اور تصاویر موجود ہیں۔ایک متاثرہ خاتون نے پولیس کو بتایا کہ وہ میری تاریخ اور جائے پیدائش جانتا تھا اور یہ بھی کہ میں نے حال ہی میں گائنی چیک اپ کرایا ہے۔ اتنی خفیہ معلومات رکھنے پر ہم نے بھروسہ کیا جو اب جعلی ڈاکٹر ثابت ہوا ہے۔
