محکمہ جنگلی حیات کی دفاتر اور چڑیا گھروں کی سیکیورٹی ہائی الرٹ ،واک تھرودروازے لگانے کی ہدایت

محکمہ جنگلی حیات کی دفاتر اور چڑیا گھروں کی سیکیورٹی ہائی الرٹ ،واک ...

 لاہور(لیڈی رپورٹر)محکمہ تحفظ جنگلی حیا ت و پارکس پنجاب کے ترجمان نے کہا ہے کہ صوبہ بھر کے افسران کو ان کے زیر انتظام دفاتر ، وائلڈلائف پارکس اور چڑیاگھروں میں سکیورٹی انتظامات کومزید بہتر بنانے کی ہدایات جاری کردی گئی ہیں۔انہوں نے کہا کہ تمام ڈپٹی ڈائریکٹرز، چڑیاگھروں کے ڈائریکٹرصاحبان اور پارکس کے انچارج افسران کو ملک میں سکیورٹی کی موجود ہ صورتحال کے پیش نظراپنے متعلقہ علاقوں میں سکیورٹی اقدامات کو مزید موثربنانے اور سکیورٹی پر تعینات سٹاف کوہمہ وقت چوکس رکھنے کے پابند ہوں گے ۔ انہوں نے کہا کہ افسران کو جاری کردہ مراسلہ میں انہیں اپنے دفاتر ، پارکس اورچڑیاگھروں کے تمام داخلی دروازوں پر واک تھروگیٹس کی تنصیب یقینی بنانے ، شائقین کو میٹل ڈیٹیکٹر کے ذریعے چیک کرنے ،دفاتر اور دیگر عمارات کی دیواروں پر کانٹے دارتارلگانے اور قانون نافذ کرنے والے اداروں کے افسران سے نزدیکی رابطے رکھنے اور سکیورٹی ایجنسیوں کی جانب سے وقتاًفوقتاًجاری ہونیوالی ہدایات پر عملدرآمد یقینی بنانے کی ہدایات بھی جاری کر دی گئی ہیں۔انہوں نے کہا کہ سکیورٹی انتظامات میں غفلت کا مظاہر ہ کرنے والوں کیخلاف زیرو ٹالرنس پالیسی پرعمل کرتے ہوئے سخت محکمانہ کارروا ئی عمل میں لائی جائے گی ۔

مزید : میٹروپولیٹن 1


loading...