اداکار ساجد حسن کے ہیئرٹرانسپلانٹ کی وجہ سے زخمی سر کی سرجری کردی گئی

اداکار ساجد حسن کے ہیئرٹرانسپلانٹ کی وجہ سے زخمی سر کی سرجری کردی گئی
اداکار ساجد حسن کے ہیئرٹرانسپلانٹ کی وجہ سے زخمی سر کی سرجری کردی گئی

  

لاہور(این این آئی) معروف اداکار، اینکر و صحافی ساجد حسن کی ضیاالدین یونیورسٹی ہسپتال میں ہیئر ٹرانسپلانٹ کی وجہ سے زخمی سر کی سرجری ہوئی ہے۔ معروف اداکار اور صحافی ساجد حسن کو بال لگوانے کی وجہ سے شدید مشکل سے گزرنا پڑرہا تھا۔

تفصیلات کے مطابق حال ہی میں انہوں نے سوشل میڈیا پر ایک ویڈیو جاری کی تھی جس میں انہوں نے ہیئر ٹرانسپلانٹ کے بعد ہونے والے نقصانات سے آگاہ کیااور بتایا تھا کہ کس طرح ہیئر ٹرانسپلانٹ کروانے کی وجہ سے وہ شدید تکلیف کا شکار ہیں۔ غیر میعاری ہیئر ٹرانسپلانٹ کی وجہ سے ان کے سر کی جلد بری طرح سے زخمی ہوگئی تھی۔

تاہم اب ساجد حسن نے اپنے ڈاکٹر کے ہمراہ سوشل میڈیا پر ایک اورویڈیو جاری کی ہے جس میں انہوں نے بتا یا ہے کہ ضیاء الدین یونیورسٹی ہسپتال میں ان کے سرکی سرجری کی گئی ہے اور ڈاکٹروں نے کامیابی کی امید ظاہر کی ہے انہوں نے کہا کہ وہ جلد صحت یاب ہو جائیں گے اور دوبارہ ان ایکشن نظر آئیں گے۔

ویڈیو دیکھیں:

مزید : تفریح