مریم نواز کا نام ای سی ایل سے نکالنے کی درخواست، نیب کو نوٹس جاری

مریم نواز کا نام ای سی ایل سے نکالنے کی درخواست، نیب کو نوٹس جاری
مریم نواز کا نام ای سی ایل سے نکالنے کی درخواست، نیب کو نوٹس جاری

  



لاہور(ڈیلی پاکستان آن لائن) لاہور ہائیکورٹ نے مریم نواز کا نام ای سی ایل سے نکالنے کی درخواست پر نیب کو نوٹس جاری کرتے ہوئے سماعت 25 فروری تک ملتوی کر دی۔جسٹس علی باقر نجفی کی سربراہی میں دو رکنی بینچ نے مریم نواز کا نام ای سی ایل سے نکالنے کی درخواست پر سماعت کی۔ وکیل مریم نواز نے استدعا کی کہ عدالت مریم نواز کو بیرون ملک جانے کی اجازت دے۔ نئی درخواست میں سابق وزیراعظم نواز شریف کی تازہ ترین میڈیکل رپورٹس کو بھی حصہ بنایا گیا ہے۔خیال رہے مریم نواز نے امجد پرویز ایڈووکیٹ کی وساطت سے متفرق درخواست دائر کی۔ درخواست میں موقف اختیار کیا گیا کہ نوازشریف کی میڈیکل رپورٹ دو صفحات پر مشتمل ہے، رپورٹ میں نواز شریف کی انجیو گرافی جلد از جلد کروانے کی سفارش کی گئی ہے۔

مزید : اہم خبریں /قومی /علاقائی /پنجاب /لاہور