ترکیہ میں زلزلے کے 11 روز بعد ایک شخص کو ملبے سے زندہ نکال لیا گیا
انقرہ (ویب ڈیسک) ترکیہ اور شام میں 6 فروری کو آنے والے زلزلے کے 11 روز بعد ترکیہ کے جنوبی صوبے حاطے میں زمیں بوس ہونے والی عمارت کے ملبے سے ایک شخص کو زندہ نکال لیا گیا۔
نجی ٹی وی جیو نیوز کے مطابق ترک وزیر صحت کی جانب سے زلزلے کے 11 روز بعد مصطفیٰ نامی 33 سالہ نوجوان کو ملبے سے زندہ نکالے جانے کی ویڈیو شیئر کی گئی تھی۔
A man was rescued from rubble in #Turkey 10 days after the #earthquake. The first thing he asked was to speak to his #mother.
— Arthur Morgan (@ArthurM40330824) February 17, 2023
Mustafa, 34, was pulled out of a collapsed building 261 hours after the devastating earthquake. pic.twitter.com/STfkswzeXT
واضح رہے کہ اس سے قبل ریسکیو اہلکاروں کی جانب سے ترکیہ کے شہر قہرامان ماراش میں واقع اپارٹمنٹ کے ملبے سے 10 روز بعد 248 گھنٹے تک ملبے کے نیچے پھنسی ہوئی 17 سالہ لڑکی کو زندہ نکالا گیا تھا۔
یاد رہے کہ ترکیہ اور شام میں آنے والے زلزلے سے ہلاکتوں کے تعداد 44 ہزار سے تجاوز کر چکی ہے۔
حکام کے مطابق ترکیہ میں ہلاکتوں کی تعداد 38 ہزار 44 جبکہ شام میں ہلاکتوں کی تعداد 5800ے متجاوز ہو گئی ہے۔
حکام کا کہنا ہے کہ امدادی اہلکاروں کی جانب سے ملبے تلے دبے ہوئے لوگوں کی تلاش جاری ہے، تاہم وقت گزرنے کے ساتھ زندگی کی امید دھیمی پڑتی جا رہی ہے۔
