2017 چیمپئنز ٹرافی کی بہترین یادوں میں محمد عامر کا اسپیل شامل ہے، بابر اعظم

کراچی (ڈیلی پاکستان آن لائن)قومی کرکٹ ٹیم کے کھلاڑی بابر اعظم نے کہا ہےکہ2017 چیمپئنز ٹرافی کی بہترین یادوں میں فخر کی سنچری، عامر کا اسپیل اور میچ کے آخری لمحات ہیں۔

کراچی میں میڈیا سے گفتگو کرتے ہوئے بابر اعظم کا کہنا تھا کہ پاکستان میں طویل عرصے بعد آئی سی سی ایونٹ ہو رہا جس پر ہر کوئی پُرجوش ہے۔بابر اعظم کا کہنا تھا کہ چیمپئنز ٹرافی جیتنے کے بعد 8 سال میں بہت کچھ بدلا، اس اسکواڈ کے چند پلیئرز اب بھی ٹیم میں ہیں۔انہوں نے کہا کہ ٹیم کا آپ پر انحصار کرنا ایک مثبت احساس دیتا ہے، میری ہر میچ میں کوشش ہوتی ہے کہ ٹیم کےلیے بہتر سے بہتر پرفارم کروں۔سابق کپتان کا کہنا تھا کہ مجھ پر کوئی پریشر نہیں، ماضی کی باتیں بھلا کر نئے دن کیلئے تیار ہیں۔انہوں نے کہا کہ پاکستان کو چیمپیئنز ٹرافی میں ہوم گراؤنڈ کا ایڈوانٹیج ہوگا۔ پاکستان میں کرکٹ ہر ایک کو متحد کرتی ہے، ہر کوئی پاکستان کی فتح کیلئے دعا گو ہوتا ہے۔