وائس چانسلر کے نوٹس پر ایکشن ،پنجاب یونیورسٹی کی اراضی 50سال بعد ناجائز قابضین سے واگزار کروا لی گئی
لاہور ( ڈیلی پاکستان آن لائن )وائس چانسلر ڈاکٹر محمد علی کی ہدایت پر پنجاب یونیورسٹی کی اراضی پر 50 سال بعد ناجائز قابضین سے قبضہ واگزار کرالیاگیا۔
تفصیلات کے مطابق پنجاب یونیورسٹی ہیلتھ سنٹر سے منسلک سرکاری زمین پر 37 خاندان ناجائز قابض 50 سال سے ناجائز قابض تھے۔غیر متعلقہ افراد اور با اثر ملازمین نے سرکاری زمین ناجائز طریقے سے 12 کنال اراضی پر گھر بنا رکھے تھے۔چند ملازمین نے سرکاری زمین بیعیانے پر فروخت کرکے غیر متعلقہ افراد کو گھروں کا قبضہ دے رکھا تھا۔نئے وائس چانسلر ڈاکٹر محمد علی نے چارج سنبھالتے ہی ناجائز قبضہ کا نوٹس لے لیا۔ڈاکٹر محمد علی نے ناجائز قبضہ واگزار کرانے سے متعلق اہم ترین شخصیات کی سفارش بھی نہ سنی۔ڈائریکٹر جنرل ڈاکٹر ریحان صادق کی سربراہی میں انتظامیہ نے رات گئے آپریشن کیااوریونیورسٹی انتظامیہ نے سرکاری زمین پر قائم ناجائز گھر قانونی کارروائی کے بعد گرا دئیے۔
