خاتون کے حلق میں براجمان زندہ جونک برآمد لیکن کتنے عرصے سے یہاں مقیم تھی؟ خبرآگئی

خاتون کے حلق میں براجمان زندہ جونک برآمد لیکن کتنے عرصے سے یہاں مقیم تھی؟ ...
خاتون کے حلق میں براجمان زندہ جونک برآمد لیکن کتنے عرصے سے یہاں مقیم تھی؟ خبرآگئی

  

ویت نام(ویب ڈیسک) جونک (لیچ) دوسروں کے خون پر زندہ رہتی ہیں لیکن ویب نام میں ایک انوکھا واقعہ اس وقت پیش آیا جہاں ڈاکٹروں نے ایک خاتون کے حلق سے زندہ جونک برآمد کی ۔

63 سالہ ویت نامی خاتون اپنے حلق میں بے آرامی اور کسی پھوڑے کی شکایت لے کر ہسپتال آئیں تو ڈاکٹروں نے ان کا معائنہ کیا تو وہ حیران رہ گئے کہ ان کے حلق کے ایک جانب 6 انچ لمبی جونک چپکی ہوئی ہے جو ان کا خون پی کر زندہ تھی۔ آنکھ، ناک اور حلق کے ڈاکٹروں نے ان کے حلق میں گوشت کا غیرمعمولی ٹکڑا دیکھا اور اسے فوری طور پر نکالا جو حقیقت میں ایک جونک تھی۔

ہا گیانگ شہر کے ایک ڈاکٹر نگوین تان کا خیال ہے کہ خاتون نے کسی تالاب کا کنویں کا پانی پیا تھا جس میں بچہ جونک تھی اور وہ خاتون کے حلق میں جاکر چپک گئی۔ اس کے بعد خاتون نے سانس لینے میں دقت اور ناک بند ہونے کی شکایت کی اور جب یہ کیفیت مزید خراب ہوگئی تو وہ ہنگامی حالت میں ہسپتال پہنچیں۔

ڈاکٹروں کے مطابق یہ ایک عجیب طبی واقعہ ہے۔ اگر خون پینے والی اس جونک کو بروقت نہ نکالا جاتا تو یہ یہ دردِ سر، حلق کی بندش اور یہاں تک کہ جان لیوا کیفیات کی شکار بھی ہوسکتی تھیں۔ تاہم اس سے قبل چین میں ایک شخص کے ناک میں تین ماہ سے چپکی جونک کو نکالا گیا تھا اور ایک خاتون کے جسم سے جونک برآمد کی گئی تھی۔

مزید : بین الاقوامی