’’کھیل کھیل میں پیار ہو گیا ‘‘الینا سویٹولینا نے گیل مونفلزکے ساتھ رومانس کا اعتراف کر لیا
میلبورن(ڈیلی پاکستان آن لائن)آسٹریلین اوپن کے دوران الینا سویٹولینا اور گیل مونفلز ٹینس کھیلنے کے ساتھ رومانس میں بھی مصروف رہے ،الینا سویٹولینا نے گیل مونفلزکے ساتھ رومانس کا اعتراف بھی کر لیا۔
غیر ملکی میڈیارپورٹ کے مطابق یوکرین کی 6 سیڈ الینا نے گیل کے ساتھ ڈیٹنگ کا اعتراف کیا ،وہ انھیں دوسرے راؤنڈ کے میچ میں سپورٹ کرنے کیلئے خود الینا کے پلیئر باکس میں موجود تھے، الینا نے کہاکہ مجھ سے اس بارے میں آن کورٹ انٹرویو میں بھی پوچھا گیا جس کی میں توقع نہیں کررہی تھی، یہ حقیقت ہے کہ ہم دونوں یہاں پرکھیلنے کیلئے موجود مگر ایک دوسرے کو بھرپور سپورٹ بھی کررہے ہیں۔
