بھارت کا جنگی جنون، ایس 400 دفاعی میزائل سسٹم کب تک مل جائے گا؟ روس نے اعلان کردیا

بھارت کا جنگی جنون، ایس 400 دفاعی میزائل سسٹم کب تک مل جائے گا؟ روس نے اعلان ...
بھارت کا جنگی جنون، ایس 400 دفاعی میزائل سسٹم کب تک مل جائے گا؟ روس نے اعلان کردیا

  



نئی دہلی(آن لائن)روسی ڈپٹی چیف آف مشن رومن بابوسکن نے کہا ہے کہ 2025 تک تمام ایس 400 فضائی دفاعی میزائل سسٹم بھارت کو فراہم کردیئے جائیں گے۔انہوں نے بتایا کہ بھارت کو فراہم کیے جانے والے ایس 400میزائلوں کی تیاری کا آغاز ہوچکا ہے۔بھارتی وزیر خارجہ ایس جیشنکر 22 مارچ اور 23 مارچ کو روس چین کے سہ فریقی کے اجلاس میں شراکت کے لئے روس کا دورہ کریں گے۔

رومن بابوسکن، روسی نائب سفیرنے کہاکہ روس کے پاس دنیا کے بہترین دفاعی نظام میں سے ایک ہے اور یہ ہندوستانی سلامتی کے لئے عمدہ خدمات انجام دے گا۔ایس 400، جو ایس -300 کا اپ گریڈ ورڑن ہے، اس سے قبل صرف روسی دفاعی دستوں کو دستیاب تھا۔یہ1990 کے عشرے میں تیار کردہ ایک انٹی ائرکرافٹ ہتھیار کا نظام ہے۔

روس کا الماز سینٹرل ڈیزائن بیورو ایس -300 کے اپ گریڈ کے طور پرتیار کیاجاتا ہے۔ یہ 2007سے روسی مسلح افواج کے لئے خدمات انجام دے رہا ہے۔ 2017میں ایس 400 کو دی اکنامسٹ نے "اس وقت بنایا ہوا ایک بہترین دفاعی نظام قرار دیا تھا۔ سی آئی پی آر آئی کے سینئر محقق سیمون ویزمین کے مطابق ایس -400 جدید ترین فضائی دفاعی نظام میں سب سے بہترین ہے۔

مزید : بین الاقوامی