”ہم سے غلطی ہوگئی ہمیں یہ قانون ختم کردینا چاہئے تھا“ن لیگی رہنما عطا تارڑ کاپچھتاوا

”ہم سے غلطی ہوگئی ہمیں یہ قانون ختم کردینا چاہئے تھا“ن لیگی رہنما عطا تارڑ ...
”ہم سے غلطی ہوگئی ہمیں یہ قانون ختم کردینا چاہئے تھا“ن لیگی رہنما عطا تارڑ کاپچھتاوا

  



اسلام آباد (ڈیلی پاکستان آن لائن)مسلم لیگ ن کے رہنما عطا تارڑ نے کہا ہے کہ ہم سے غلطی ہوگئی ہے، ہمیں اپنے دور میں نیب کے قانون کوختم کرناچاہئے تھا ، نوے دن کی بجائے 14دن کا ریمانڈ ہوناچاہئے تھا ، یہ کالا قانون ہے۔

سماءنیوز کے پروگرام میں گفتگو کرتے ہوئے عطاتارڑ نے کہا کہ دودوسال سے بے گناہ لوگ جیلوں میں پڑے ہیں، آشیانہ سکیم ابھی شروع ہی نہیں ہوئی ، لوگوں نے اس میں انویسٹمنٹ کی تھی تو اس میں سرکاری خزانے کی خورد برد کیسے ہوسکتی ہے ۔

عطا تارڑ کا کہناتھا کہ یہ نیب نیازی گٹھ جوڑ ہے ، مسئلہ یہ ہے تمام کرپٹ لوگوں کو این آر اودیکر ایک حکومت قائم کی ہے جو چھ سیٹوں کی حکومت ہے ۔ انہوں نے کہا کہ نیب ترامیم میں حکومت کی مجبوری یہ ہے کہ وہ اپوزیشن کی حمایت کے بغیر پاس نہیں ہوسکتا کیونکہ سینیٹ میں اپوزیشن کی اکثریت ہے ۔ انہوں نے کہا کہ ہم سے غلطی ہوگئی ہیں اپنے دور میں نیب کے قانون کوختم کرناچاہئے تھا ، نوے دن کی بجائے 14دن کا ریمانڈ ہوناچاہئے تھا ، یہ کالا قانون ہے۔

مزید : قومی