پی ٹی آئی کے ڈاکٹر آصف رفیق مسلم لیگ (ن) میں شامل ہوگئے

پی ٹی آئی کے ڈاکٹر آصف رفیق مسلم لیگ (ن) میں شامل ہوگئے

لاہور(نمائندہ خصوصی) پی ٹی آئی کے ڈاکٹر آصف رفیق کنوینر آزاد جموں و کشمیر پنجاب پی ٹی آئی کو خیر باس کہہ کر مسلم لیگ (ن) میں شامل ہو گئے ، انہوں نے میاں نواز شریف کی قیادت پر اعتماد کرتے ہوئے کہا کہ پی ٹی آئی کوئی سیاسی جماعت نہیں بلکہ قبضہ گروپوں اور لٹیروں کا گروہ ہے ،انہوں نے کہا کہ میں غیر مشروط طور پر مسلم لیگ (ن) میں شامل ہو ا ہوں، میں میاں نواز شریف کی لیڈر شپ اور ان کی قایدانہ صلاحیتوں کا معترف ہوں، میں پارٹی میں ایک کارکن کے طور پر کام کروں گا۔اس بات کا اعلان انہوں نے گذشتہ روز پاکستان مسلم(ن) لاہور کے مرکزی دفتر نصیر آباد میں لاہور کے صدر محمد پرویز ملک اور جنرل سیکرٹری خواجہ عمران سمیت دیگر کی موجودگی میں کیا۔اس موقع پر محمد پرویز ملک اورخواجہ عمران نذیر نے انہیں اپنی پارٹی میں خوش آمدید کہتے ہوئے کہا کہ عمران خان کے قول و فعل میں تضاد ہے۔

، وہ دھاندلی کا رونا روتے ہیں جبکہ ان کے ویلی کے امیدوار دیوان محی الدین نے 1900/سے زائدجعلی ووٹ بنا رکھے ہیں ،انہوں نے کہا کہ مسلم لیگ(ن) نے اس دھاندلی کو ولنے کے لئے جعلی شناختی کارڈ پکڑ نے والی مشینیں منگوا لی ہیں ، جو بھی جعلی ووٹ کاسٹ کرنے کی کوشش کرے گا اسے موقع پر گرفتا رکرائیں گے۔انہوں نے کہا کہ یہ ان کا پرانا وطیرہ ہے کہ کہ وہ کیری ڈبوں میں ووٹروں کو لیکر جگہ جگہ پھرتے ہیں اور ایک ایک ووٹ کو کئی کئی جگہ ڈلواتے ہیں۔انہوں نے کہا کہ ہم نے اپنے سیاسی کارکنوں پر مشتمل ٹیمیں تشکیل دے دی ہیں ،جو دھونس اور دھاندلی کو روکیں گے ۔انہوں نے کہا کہ انشاء اللہ 21جولائی کو کشمیر کے ایک ایک کونے سے شیر ہی گونجے گا۔

مزید : میٹروپولیٹن 4

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...