20سال بعد تاریخی فتح ،لارڈز کرکٹ گراؤنڈ میں گوروں کو شرمناک شکست ،شاہینوں نے کامیابی کے جھنڈے گاڑ دیئے

20سال بعد تاریخی فتح ،لارڈز کرکٹ گراؤنڈ میں گوروں کو شرمناک شکست ،شاہینوں نے ...

لندن(مانیٹرنگ ڈیسک،آئی این پی ) پاکستان نے 20سال بعد لارڈز کے تاریخی گراؤنڈ پر انگلینڈ کو 75رنز سے شکست دے کر چار میچوں کی سیرز میں 1-0کی برتری حاصل کر لی ۔تاریخی فتح کے بعد پاکستانی ٹیم لارڈز کرکٹ گراؤنڈ میں چار ٹیسٹ میچز جیتنے والی ایشیا کی پہلی ٹیم بن گئی ، بھارتی ٹیم لارڈز میں صرف دو ٹیسٹ میچ جیت سکی ہے ،انگلینڈ کی ٹیم 283رنز کے تعاقب میں 75.5اوورز میں 207رنز بنا کر آؤٹ ہو گئی ۔انگلینڈ کی جانب سے دوسری انگز میں برسٹو 48،گرے بیلنس 43، جیمز ونس 42اور کرس واکس23رنز بنا کر نمایاں بلے باز رہے ، پاکستان کی جانب سے یاسر شاہ نے4،راحت علی نے 3،محمد عامر نے 2 اور وہاب ریاض نے 1کھلاڑی کو آؤٹ کیا ،میچ میں مجموعی طور پر 10وکٹیں لینے پر یاسر شاہ کو مین آف دی میچ کا ایوارڈ دیا گیا۔ تفصیلات کے مطابق لارڈز کرکٹ گراؤنڈ میں کھیلے گئے چار میچوں کی سیریز کے پہلے ٹیسٹ میچ کے چوتھے روز پاکستان نے اپنے تیسرے دن کا سکور 8وکٹوں کے نقصان پر214رنز اننگز کا آغاز کیا تو پاکستان کی آخری دو وکٹیں سکور میں صرف1رنز کا اضافہ کرسکی اور پاکستان کی پوری ٹیم 215رنز بنا کر آؤٹ ہو گئی ۔انگلینڈ کی جانب سے دوسری اننگز میں کرس واکس 5، سٹوربراٹ 3 اور معین علی نے 2کھلاڑیوں کو آؤٹ کیا ۔ انگلینڈ کی ٹیم 283رنز کے تعاقب میں 75.5اوورز میں207رنز بنا کر آؤٹ ہو گئی ۔انگلینڈ کی جانب سے دوسری انگز میں برسٹو 48،گرے بیلنس 43، جیمز ونس 42اور کرس واکس23رنز بنا کر نمایاں بلے باز رہے جبکہ الیسٹرکک 8، جوئے روٹ 9، معین علی 2، سٹورڈ براٹ1 اور بال 3رنز بنا کر آؤٹ ہوئے ۔ پاکستان کی جانب سے یاسر شاہ نے4،راحت علی نے 3،محمد عامر نے 2 اور وہاب ریاض نے 1کھلاڑی کو آؤٹ کیا ۔میچ جیتنے پرپاکستان کھلاڑیوں کے گراؤنڈ میں پش اپس،سیلیوٹدوسری جانب تاریخی فتح کے بعد پاکستانی ٹیم لارڈز کرکٹ گراؤنڈ میں چار ٹیسٹ میچز جیتنے والی ایشیا کی پہلی ٹیم بن گئی ، بھارتی ٹیم لارڈز میں صرف دو ٹیسٹ میچ جیت سکی ہے۔لارڈز میں تاریخی فتح پر وزیر اعظم نواز شریف ،وزیر اعلیٰ پنجاب شہباز شریف،گورنر پنجاب سمیت دیگر اعلیٰ شخصیت کی پاکستانی ٹیم کو مبارکباد۔

مزید : صفحہ اول

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...