سپاٹ فکسنگ سکینڈل میں ملوث کئے جانے پر عمر اکمل سیخ پا،نام اچھال کر تذلیل کی گئی،معافی نہ مانگی تو قانونی نوٹس ارسال کروں گا،قومی بیٹسمین
لاہور (یو این پی)پی ایس ایل سپاٹ فکسنگ کیس میں ملوث کئے جانے پر قومی بیٹسمین عمر اکمل سیخ پا ہوگئے جن کا کہنا ہے کہ اس معاملے میں نام اچھال کر میر کی تذلیل کی گئی اگر ذمہ داروں نے معافی نہ مانگی تومیں انہیں قانونی نوٹس ارسال کروں گا۔
شاداب بہترین لیگ سپنر ہے، جس کی باؤلنگ میں بہت ورائٹی اوربہترین گگلی ہے: یاسر شاہ
میڈیا سے فون پر خصوصی بات چیت میں عمر اکمل کا کہنا تھا کہ وہ اس وقت انگلینڈ میں ہیں اور برطانوی نیشنل کرائم ایجنسی کے پاس ثبوت ہیں تو وہ انہیں پکڑ کیوں نہیں لیتی؟۔میں فٹنس کی بہتری کیلئے انگلینڈ میں خصوصی ٹریننگ کر رہا ہوں لیکن اس دوران میرا کا نام اچھال کر تذلیل کی گئی۔ قومی بیٹسمین کا کہنا تھا کہ اگر نیشنل کرائم ایجنسی کا پی سی بی سے شواہد کے تبادلے کا معاہدہ نہیں تو ان کیخلاف ثبوت آئی سی سی کو دے دیئے جائیں اور انہیں اس کیس سے متعلق جہاں بھی طلب کیا جائے گا وہ جانے کیلئے تیار ہیں۔ عمر اکمل نے انکشاف کیا کہ پی سی بی اینٹی کرپشن یونٹ واقف ہے کہ وہ بیشتر مشکوک افراد کے بارے میں ٹیم انتظامیہ کو آگاہ کر چکے ہیں۔یاد رہے کہ شرجیل خان کیس میں رائے دینے والے این سی اے کے منیجر آپریشنز نے دو مزید کرکٹرز کے بدعنوانی میں ملوث ہونے کا انکشاف کیا تھا اور باضابطہ نام سامنے نہ آنے کے باوجود عمراکمل کا نام گردش میں ہے۔
