مائنس نوازشریف کی کوشش بھی ناکامی سے دوچار ہوگی: مریم اورنگزیب

لاہور(ڈیلی پاکستان آن لائن)مسلم لیگ (ن)کی رہنما او ر سابق وزیراطلاعات مریم اورنگزیب کا کہنا ہے کہ کابینہ نے نواز شریف کا جیل میں ٹرائل کا فیصلہ واپس لے لیا ہے،مائنس نوازشریف کی کوشش بھی ناکامی سے دوچار ہوگی۔
میڈیا سے گفتگو کرتے ہوئے سابق وزیراطلاعات مریم اورنگزیب کا کہناتھا کہ شہبازشریف کو روزانہ طلب کیا جارہا ہے جبکہ نوازشریف نے ایک پیسے کی کرپشن نہیں کی،نوازشریف کے ساتھ امتیازی سلوک کیا جارہا ہے لیکن مائنس نوازشریف کی کوشش بھی ناکامی سے دوچار ہوگی۔ان کا مزید کہنا تھا کہ کابینہ نے جیل میں ٹرائل کا فیصلہ واپس لے لیا ہے جو خوش آئند ہے ،25 جولائی کو ووٹر گھروں سے نکلے گا اور شیر پر مہر لگائے گا ،عوام کی عدالت کا فیصلہ آنے والا ہے۔