اقوام متحدہ کی سلامتی کونسل کی پابندیوں کی کمیٹی کی جانب سے ٹی ٹی پی لیڈر کی نامزدگی کا خیرمقدم

اقوام متحدہ کی سلامتی کونسل کی پابندیوں کی کمیٹی کی جانب سے ٹی ٹی پی لیڈر کی ...
اقوام متحدہ کی سلامتی کونسل کی پابندیوں کی کمیٹی کی جانب سے ٹی ٹی پی لیڈر کی نامزدگی کا خیرمقدم

  

اسلام آباد(ڈیلی پاکستان آن لائن)پاکستان نے اقوام متحدہ کی سلامتی کونسل 1267 پابندیوں کی کمیٹی کی طرف سے کالعدم دہشت گرد تنظیم  ٹی،ٹی، پی کے لیڈر نورولی محسود کو داعش اور القاعدہ کی پابندیوں کی فہرست میں شامل کرنے کا خیر مقدم کیاہے۔

نجی ٹی وی کے مطابق ترجمان دفتر خارجہ عائشہ فاروقی کی جانب سے جاری بیان کے مطابق پاکستان اقوام متحدہ کی سلامتی کونسل کی متعلقہ قراردادوں کے مطابق پابندیوں پر عمل درآمد کررہا ہے اور امید کرتا ہے کہ دیگر ممالک بھی اس کی پیروی کریں گے۔ ترجمان کے مطابق ٹی ٹی پی پہلے سے اقوام متحدہ کی نامزد کردہ دہشت گرد تنظیم ہے اور پاکستان کے اندر بے شماردہشت گرد حملوں کی ذمہ دار ہے۔ پاکستان نے جامع سکیورٹی آپریشنز کے ذریعے ٹی۔ٹی۔پی کو شکست دی تاہم ٹی۔ٹی۔پی پاکستان کی سرحدوں کے باہر سے کارروائی کررہی ہے جس میں اسے تیسرا ملک مدد اور سہولت فراہم کررہا ہے۔ انہوں نے کہاکہ پاکستان دہشت گردی میں ملوث، اس کی مالی مدد، منصوبہ بندی و سہولت کاری اور دہشت گردی فروغ دینے والوں کے خلاف لڑنے کی پالیسی پر کاربند رہے گا۔

مزید :

اہم خبریں -قومی -