امریکی صدر کا شہریوں کو ماسک پہننے کا حکم دینے سے انکار

امریکی صدر کا شہریوں کو ماسک پہننے کا حکم دینے سے انکار
امریکی صدر کا شہریوں کو ماسک پہننے کا حکم دینے سے انکار

  

واشنگٹن(ڈیلی پاکستان آن لائن) امریکی صدرڈونلڈ ٹرمپ نے شہریوں کو ماسک پہننے کا حکم دینے سے انکار کر دیا۔

غیر ملکی خبر رساں ایجنسی کے مطابق امریکی صدر ڈونلڈ ٹرمپ نے اپنے ایک بیان میں کہا ہے کہ کورونا کے پھیلاؤ کو روکنے کےلئے ماسک پہننے کا حکم نہیں دے سکتا۔

انہوں نے کہا کہ لوگوں کو ذاتی آزادی ہونی چاہیے قومی ماسک مینڈیٹ سے متفق نہیں ہوں تاہم میرا ذاتی طور پر یہ خیال ہے کہ ماسک پہننا چاہئے۔امریکی صدر نے کہا کہ میں اس رائے سے اتفاق نہیں کرتا کہ ہر کوئی ماسک پہنے کیونکہ پہلے کہا گیا ماسک نہ پہنیں لیکن پھر اچانک سب کہنے لگے کہ ماسک پہنیں۔

انہوں نے کہا کہ ڈیمو کریٹ رہنما بیوقوفوں کی طرح شہروں میں حکومت کر رہے ہیں اور پولیس کے دفاع کرنے کےلئے شہروں میں تشدد بڑھایا جا رہا ہے۔

دوسری جانب امریکی سائنسدان ڈاکٹرانتھونی فاوچی نے امریکی شہریوں کو ماسک پہننے کا مشورہ دے دیا۔امریکی سائنسدان نے کہا کہ ریاست کے مقامی عہدیدار ماسک پہننے سے متعلق مزید اقدامات کریں کیونکہ مجھے لگ رہا ہے کہ ہم وبائی مرض پر قابو پانے کی راہ پر گامزن ہیں۔انتھونی فاوچی نے کہا کہ یہ بات حوصلہ افزا ہے کہ رواں ماہ کے آخر میں ایک کورونا ویکسین ٹرائل تھری میں داخل ہو گی۔

مزید :

اہم خبریں -بین الاقوامی -