حکومت جھوٹ بولتے رنگے ہاتھوں پکڑی گئی

حکومت جھوٹ بولتے رنگے ہاتھوں پکڑی گئی
حکومت جھوٹ بولتے رنگے ہاتھوں پکڑی گئی

  

اسلام آباد (ڈیلی پاکستان آن لائن) وفاقی وزیر اطلاعات و نشریات سینیٹر شبلی فراز نے کالا دھن سفید کرنے کیلئے سرمایہ کاروں کو تعمیراتی شعبے میں سرمایہ کاری کی ترغیب دی ۔ اس حوالے سے جب ڈان اخبار نے خبر دی تو وزارت اطلاعات کے فیک نیوز بسٹرنے اسے جھوٹی خبر قرار دے دیا جس پر ایک صحافی نے حکومت کو آئینہ دکھادیا ۔

اتوار کے روز وفاقی وزیر اطلاعات شبلی فراز نے ایک نیوز کانفرنس کے دوران کہا تھا کہ سرمایہ کار تعمیراتی شعبے میں سرمایہ کاری کریں ، اس طرح وہ اپنے کالے دھن کو بھی سفید کرسکیں گے اور نوکریاں بھی پیدا ہوں گی۔

ڈان اخبار نے وزیر اطلاعات کے اس بیان پر مبنی خبر دی تو وزارت اطلاعات کے زیر اہتمام چلنے والے ٹوئٹر ہینڈل " فیک نیوز بسٹر" نے ڈان اخبار کی خبر کو جھوٹ پر مبنی قرار دے دیا۔ خیال رہے کہ اس ٹوئٹر ہینڈل سے ان خبروں کی تردید کی جاتی ہے جو جعلی یا جھوٹی ہوں۔

فیک نیوز بسٹر کی جانب سے ڈان اخبار کی خبر کو جھوٹا قرار دیا گیا تو صحافی حسن افتخار نے وہ کلپ شیئر کردیا جس میں شبلی فراز نے لوگوں کو کالا دھن سفید کرنے کی ترغیب دی تھی۔

حسن افتخار نے کہا " کیا ہی بہتر ہوتا یہ سرکاری 'فیک نیوز' بسٹر اکاونٹ چلانے والا اپنے ادارے کے سربراہ کی پریس کانفرنس ہی پوری سن لیتا۔ فیک نیوز ایک بہت بڑا مسلئہ ہے، لیکن اس کے پیچھے چھپنے سے آپ حقیقتیں تبدیل نہیں کر سکتے۔"

مزید :

قومی -