شہری حدود میں مویشیوں کی خرید و فروخت،وزیر اعلیٰ پنجاب نے بڑا حکم جاری کر دیا 

شہری حدود میں مویشیوں کی خرید و فروخت،وزیر اعلیٰ پنجاب نے بڑا حکم جاری کر ...
شہری حدود میں مویشیوں کی خرید و فروخت،وزیر اعلیٰ پنجاب نے بڑا حکم جاری کر دیا 

  

لاہور(ڈیلی پاکستان آن لائن) وزیر اعلیٰ پنجاب عثمان بزدار نے شہری حدود میں مویشیوں کی خرید و فروخت پر کریک ڈاؤن کی ہدایت دیتے ہوئے کہا کہ کسی کو بھی ایس او پیز کی خلاف ورزی کی اجازت نہیں دی جاسکتی۔

تفصیلات کےمطابق وزیراعلیٰ پنجاب عثمان بزدارنےشہری حدودمیں مویشیوں کی خرید وفروخت پرکریک ڈاؤن کی ہدایت کر دی ۔ وزیر اعلیٰ کا کہنا تھا کہ مویشیوں کی غیر قانونی خرید و فروخت پر قانون کے مطابق کارروائی کی جائے، انتظامیہ اور پولیس شہری حدود میں مویشیوں کی خرید و فروخت بند کروائے، کرونا وائرس کے باعث عید الاضحیٰ کے ایس او پیز پر سختی سے عمل کروایا جائے، وزیر اعلیٰ کا کہنا تھا کہ کسی کو ایس او پیز کی خلاف ورزی کی اجازت نہیں دی جاسکتی،انتظامیہ اور پولیس کے افسران خود فیلڈ میں نکل کر صورتحال کا جائزہ لیں، ایس او پیز پر عملدر آمد شہریوں کے مفاد میں ہے۔

اس سے قبل میڈیا سے گفتگو کے دوران انہوں نے کہا تھا کہ عید الاضحیٰ پر کرونا وائرس کا پھیلاؤ روکنے کے لیے احتیاطی تدابیر پر عمل ضروری ہے، حکومت کی مخلصانہ کوششوں اور عوام کے تعاون سے کرونا وائرس کے پھیلاؤ کو روکنے میں مدد ملی۔ وزیر اعلیٰ کا کہنا تھا کہ عوام کو عید الاضحیٰ کے موقع پر بھی احتیاطی تدابیر کا دامن نہیں چھوڑنا چاہیئے، گھر میں رہیں محفوظ رہیں پر عمل کر کے شہری خود کو اور دوسروں کو کرونا وائرس سے بچائیں، میل جول جتنا کم ہوگا اتنا ہی بیماری کا پھیلاؤ کم ہوگا۔

مزید :

علاقائی -پنجاب -لاہور -