طاہر القادری کی ٹی وی تقریر نے لوگوں کو مشتعل کیا،رپورٹ وزیراعظم کو پیش

طاہر القادری کی ٹی وی تقریر نے لوگوں کو مشتعل کیا،رپورٹ وزیراعظم کو پیش

  

لاہور (خصوصی رپورٹ)لاہور واقعہ کی رپورٹ وزیراعظم نواز شریف کو پیش کر دی گئی۔ حساس اداروں کے مطابق طاہر القادری کی ٹیلی ویژن تقریر نے لوگوں کو مشتعل کیا۔ واقعہ سے پہلے مظاہرین میں اسلحہ اور ڈنڈے بھی تقسیم کئے گئے۔ حساس اداروں کی جانب سے وزیراعظم نواز شریف کو پیش کی گئی۔ رپورٹ کے مطابق رات کے پچھلے پہر پولیس کے دستے بیریئر ہٹانے پہنچے تو نوجوانوں نے پتھراو¿ کیا۔ پولیس مزاحمت کیلئے تیار نہیں تھی اس لئے پیچھے ہٹ گئی۔ اس دوران مزید اساتذہ اور طلباءبھی موقع پر پہنچ گئے۔ طاہر القادری کی ٹی وی پر تقریر نے انہیں مزید مشتعل کر دیا۔ کارکنوں میں باقاعدہ طور پر اسلحہ اور ڈنڈے بھی تقسیم کئے گئے۔ رپورٹ کے مطابق صبح پولیس کے تازہ دم دستوں نے دوبارہ کارروائی کی تو شدید مزاحمت کی گئی۔ بنکر سے پولیس پر فائرنگ بھی ہوئی اہلکاروں نے اپنے دفاع میں گولیاں چلائیں واقعہ میں آٹھ افراد جاں بحق اور اہلکاروں سمیت نوے زخمی ہوئے۔ رپورٹ کے مطابق پولیس نے مظاہرین سے ایک کلاشنکوف، ایک پستول اور ایم پی 32 گن بھی برآمد کی ہے جبکہ اسلحہ کی بھاری مقدار ابھی بھی وہاں موجود ہے۔

مزید :

صفحہ اول -