’ضرب عضب‘ کامیابی سے جاری، طالبان کی آپسی لڑائی بھی شدت اختیار کر گئی، مزید 8 ہلاک

’ضرب عضب‘ کامیابی سے جاری، طالبان کی آپسی لڑائی بھی شدت اختیار کر گئی، مزید ...
’ضرب عضب‘ کامیابی سے جاری، طالبان کی آپسی لڑائی بھی شدت اختیار کر گئی، مزید 8 ہلاک
کیپشن: Taliban

  

پشاور (نمائندہ خصوصی) شمالی وزیرستان میں فوجی آپریشن ’ضرب عضب‘ کامیابی سے جاری ہے تو دوسری طرف طالبان گروپوں میں جاری آپسی لڑائی شدت اختیار کر گئی ہے جس میں مزید 8 طالبان ہلاک ہو گئے ہیں۔ مسلح افواج کی تازہ کارروائیوں میں مزید 25 دہشت گرد ہلاک ہو گئے ہیں جبکہ سویلین آبادی کیلئے نقل مکانی کا شیڈول جاری کر دیا گیا ہے۔

تفصیلات کے مطابق شمالی وزیرستان کے علاقے شوال میں شہریار اور سجنا گروپ میں جاری لڑائی شدت اختیار کر گئی ہے اور تازہ ترین تصادم کے نتیجے میں مزید 8 طالبان ہلاک اور 10 زخمی ہو گئے ہیں۔یاد رہے کہ طالبان گروپوں میں یہ لڑائی فوجی آپریشن شروع ہونے سے پہلے ہی شروع ہو گئی تھی جس میں اب تک کئی بار دونوں گروپوں میں مسلح تصادم ہو چکا ہے اور متعدد طالبان جاں بحق ہو چکے ہیں ۔

دوسری جانب آپریشن ’ضرب عضب‘ کے دوران پاک فوج کی کارروائیوں میں مزید 25 طالبان ہلاک ہو گئے ہیں جبکہ شدت پسندوں کے متعدد ٹھکانوں کو بھی تباہ کیا گیا ہے۔ آئی ایس پی آر سے جاری بیان کے مطابق ’ضرب عضب‘ کے دوران جیٹ طیاروں کی بمباری میں مرنے والوں میں ملکی اور غیرملکی دہشت گرد شامل ہیں۔ فورسز نے میر علی اور میران شاہ کے علاقوں میں دہشت گردوں کے ٹھکانوں کا محاصرہ بھی سخت کر دیا ہے اور علاقے کی فضائی نگرانی بھی کی جا رہی ہے۔ پاک فوج نے سویلین آبادی کی نقل مکانی کیلئے شیڈول جاری کرتے ہوئے کرفیو میں بھی نرمی کر دی ہے اور کہا ہے کہ آپریشن والے علاقوں سے نقل مکانی کرنے والے افراد کو فوج تحفظ فراہم کرے گی۔

مزید :

دفاع وطن -