سرفراز احمد کا بیٹا عبداللہ اب تک کتنی مرتبہ چیمپینز ٹرافی 2017ءکا فائنل دیکھ چکا ہے؟ حیران کن انکشاف

سرفراز احمد کا بیٹا عبداللہ اب تک کتنی مرتبہ چیمپینز ٹرافی 2017ءکا فائنل دیکھ ...
سرفراز احمد کا بیٹا عبداللہ اب تک کتنی مرتبہ چیمپینز ٹرافی 2017ءکا فائنل دیکھ چکا ہے؟ حیران کن انکشاف

  

لاہور (ڈیلی پاکستان آن لائن) انٹرنیشنل کرکٹ کونسل (آئی سی سی) چیمپینز ٹرافی کے وننگ کپتان سرفراز احمد نے پاکستان کی جیت کو 3 سال مکمل ہونے پر اپنے بیٹے عبداللہ کی ایک ویڈیو جاری کرتے ہوئے بتایا کہ عبداللہ اب تک 5 بار چیمپئنز ٹرافی کا فائنل دیکھ چکا ہے۔

تفصیلات کے مطابق سابق کپتان سرفراز احمد کی جانب سے جاری ویڈیو میں دیکھا جاسکتا ہے کہ وہ عبداللہ سے چیمپئنزٹرافی کے حوالے سے سوالات کر رہے جس کے جواب وہ انتہائی روانی سے دے رہا ہے۔ سرفراز احمد بیٹے عبداللہ سے سب سے پہلا سوال کرتے ہیں کہ ’عبداللہ آج کے دن ہم کیا جیتے تھے؟‘ جس کے جواب میں عبداللہ ’چیمپئنزٹرافی‘ کہتا ہے اور اگلے سوال کہ پاکستان نے آج کے دن کس کو ہرایا تھا کے جواب میں ’بھارت‘ کہتا ہے۔

چیمپئنز ٹرافی کے فائنل میچ میں سنچر ی سکور کرنے کے جواب میں عبداللہ نے معصومانہ انداز اپناتے ہوئے فخر زمان اور نصف سنچری سکور کرنے والوں کے جواب میں اظہر علی اور محمد حفیظ کا نام لیا۔ میچ میں وکٹس لینے والے کھلاڑیوں سے متعلق سوال میں سرفراز احمد کے بیٹے عبداللہ نے شاداب خان، محمد عامر اور حسن علی کا نام لیا۔ سرفرازاحمد کی جانب سے شیئر کی گئی اس منفرد ویڈیو کو ساتھی کھلاڑیوں سمیت مداحوں کی جانب سے پسند کیا جارہا ہے۔

واضح رہے کہ آج کے دن تین سال قبل پاکستان نے آئی سی سی چیمپیئنز ٹرافی 2017ءکے فائنل میں دفاعی چیمپیئن بھارت کو ناقابل یقین شکست دے کر پہلی مرتبہ ٹرافی جیتی تھی۔ پاکستان نے اوول میں کھیلے گئے چیمپیئنز ٹرافی کے فائنل میں بھارت کو 180 رنز سے شکست دی تھی۔

مزید :

کھیل -